عمران خان کی بینائی متاثر ہونے کی خبریں پریشان کن ہیں، انکے اہلخانہ کو ملاقات کی اجازت دی جائے، خواجہ سعد رفیق
اشاعت کی تاریخ: 13th, February 2026 GMT
پاکستان مسلم لیگ (ن) کے رہنما خواجہ سعد رفیق نے بانی پی ٹی آئی عمران خان کی بینائی سے متعلق سامنے آنے والی خبروں پر تشویش کا اظہار کیا ہے۔
سوشل میڈیا پر اپنے بیان میں انہوں نے کہا کہ جیل چاہے سخت ہو یا نرم، قیدی کو اکثر کسی نہ کسی بیماری میں مبتلا کر دیتی ہے، یہ ایک تلخ حقیقت ہے۔ ان کا کہنا تھا کہ بانی پی ٹی آئی کی بینائی متاثر ہونے کی اطلاعات مسلسل سامنے آ رہی ہیں جو باعثِ فکر ہیں۔
خواجہ سعد رفیق نے زور دیا کہ فوری اور مؤثر طبی سہولت ہر انسان کا بنیادی حق ہے۔ ان کے مطابق اگر مریض قیدی ہو اور سیاسی مخالف بھی ہو تو اس کے حقوق کا تحفظ مزید اہمیت اختیار کر جاتا ہے۔
انہوں نے کہا کہ اس موقع پر ماضی کے دورِ حکومت میں سیاسی مخالفین کے ساتھ ہونے والی مبینہ زیادتیوں کا ذکر کرنا مناسب نہیں ہوگا۔
رہنما مسلم لیگ (ن) نے مطالبہ کیا کہ حکومت اور متعلقہ ریاستی ادارے بانی پی ٹی آئی کی میڈیکل رپورٹس کی روشنی میں واضح سرکاری مؤقف جاری کریں اور ان کے اہلِ خانہ کو ملاقات کی اجازت دی جائے تاکہ خدشات کا ازالہ ہو سکے۔
.
ذریعہ
ذریعہ: Al Qamar Online
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا