عنبرین جان پیمرا کی پہلی خاتون چئیرپرسن تعینات ، نوٹیفیکیش جاری
اشاعت کی تاریخ: 13th, February 2026 GMT
اسلام آباد(صغیر چوہدری )مس عنبرین جان پاکستان الیکٹرنک میڈیا ریگو لیٹری اتھارٹی پیمرا کی پہلی خاتون چئیرپرسن تعینات ہوگئیں صدر مملکت آصف زرداری کی منظوری کے بعد اسٹیبلشمنٹ ڈویژن نے تقرری کے لئے باقاعدہ نوٹیفیکیش جاری کردیا ۔۔ وزیراعظم شہبازشریف نے سابق سیکریٹری اطلاعات عنبرین جان کی تقرری کی سمری منظوری کیلئے صدر مملکت کو ارسال کی تھی جسے صدر آصف علی زرداری نے دوروز قبل منظور کرلیا تھا ۔واضح رہے کہ پارلیمانی کمیٹی نے عنبرین جان کی بطور چیئرپرسن پیمرا تقرری کی سفارش کی تھی جس پر وزیراعظم نے سفارش صدر مملکت کو ارسال کی اور صدر آصف علی زرداری نے انکی تقرری کی منظوری تھی ۔سابق چئیرمین سلیم بیگ کی اکتوبر کو مدت ملازمت ختم ہونے کے بعد پیمرا کے سربراہ کا عہدہ کئی ماہ سے خالی تھا جس سے پیمرا کے روزمرہ امور متاثر ہورہے تھے اور ایگزیکٹو ممبر پیمرا روزمرہ امور انجام دے رہے تھے ۔عنبرین جان انفارمیشن سروس گروپ کی سینئر افسر ہیں انہوں نے 1990 میں انفارمیشن گروپ کو جوائن کیا اور وزارتِ اطلاعات و نشریات میں سیکرٹری کے عہدے پر خدمات سر انجام دیں۔
انہیں گریڈ 22 میں ترقی دی گئی، جو پاکستان کی سول سروس میں اعلیٰ گریڈز میں سے ایک ہے
وزارت کی نمائندگی میں انہوں نے میڈیا اور صحافیوں سے روابط بہتر بنانے، میڈیا کے مسائل کے حل اور پالیسیوں پر کام کیا۔
عنبرین جان نے وزارت کے نمائندے کے طور پر مختلف بین الاقوامی تقریبات میں پاکستان کا پیغام پہنچایا، جیسے شنگھائی تعاون تنظیم کے ٹیلی ویژن فیسٹیول میں بطور مہمانِ اعزاز شرکت
وہ پاکستان ٹیلی ویژن (PTV) کی منیجنگ ڈائریکٹر کے طور پر بھی خدمات انجام دے چکی ہیں۔
عنبرین جان نے پریس انفارمیشن ڈیپارٹمنٹ (PID) میں بھی کافی عرصہ خدمات سر انجام دیں۔
الیکٹرانک میڈیا اور پبلیکیشنز کی ڈائریکٹوریٹ میں بھی کام کیا۔
پاکستان ہائی کمیشن، بنگلہ دیش میں پریس کونسلر کی حیثیت سے ڈپلومیٹک ذمہ داری بھی نبھائیں
ایکسٹرنل پبلی سٹی ونگ اور ریڈیو پاکستان میں بھی عنبرین جان تعینات رہیں
مس عنبرین جان نے اکتوبر 2025 میں سول سروس سے ریٹائرمنٹ لی اور ان کی خدمات کو وزیراعظم محمد شہباز شریف نے سرکاری امور اور پاکستان کی بین الاقوامی میڈیا نمائندگی میں شاندار کردار ادا کرنے پر سراہا
ذریعہ
ذریعہ: Daily Mumtaz
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ