غریب عوام کی ادویات کا پیسہ کسی کو کھانے نہیں دونگی: مریم نواز
اشاعت کی تاریخ: 13th, February 2026 GMT
لاہور (نیوزڈیسک)وزیراعلیٰ پنجاب مریم نوازشریف نے ہیلتھ کانفرنس میں شرکاء سے خطاب کرتے ہوئے کہا کہ صحت کے شعبے کی ترقی کیلئے میری ٹیم بھرپور کام کر رہی ہے، 10ہزار 300 بچوں کے دل کا آپریشن کرنے سے انہیں نئی زندگی ملی، عوام کو معیاری علاج کی فراہمی یقینی بنا رہے ہیں۔
تفصیلات کے مطابق وزیراعلیٰ پنجاب مریم نواز کا کہناتھا کہ بچوں کی پیچیدہ ہارٹ سرجریز کیلئے ماہرسرجنز کی خدمات حاصل کی ہیں، جدید آلات اور ٹیکنالوجی کے استعمال سے صحت میں انقلاب لایا جا سکتا ہے، ماضی میں ادویات موجود ہونے کے باوجود مریضوں کو نہیں دی جاتی تھیں، پنجاب کے ہر بچے اور بزرگ کو صحت مند دیکھنا میری خواہش ہے، صحت کے شعبے میں شفافیت کی بہتر ضرورت ہے۔
انہوں نے کہا کہ غریب عوام کی ادویات کا پیسہ کرپشن کی مد میں کھانے نہیں دوں گی، پنجاب میں شعبہ صحت کا بجٹ630ارب روپے ہے، بنیادی مراکز صحت میں بہترسہولتوں کی فراہمی یقینی بنا رہے ہیں، کوشش ہے کسی کو بھی علاج کیلئے اپنے شہر سے دوسرے شہرنہ جانا پڑے، ضلعی اسپتالوں میں جدید طبی آلات فراہم کیے جارہےہیں۔
ان کا کہناتھا کہ عوام کی زندگیوں میں آسانی کیلئے سخت فیصلے لیے ہیں، ڈی ایچ کیوز میں بہتر سہولتوں کیلئے 100 ارب روپے خرچ کر رہے ہیں، سرکاری اسپتالوں کے خود دورے کر رہی ہوں، سی ایم انسپکشن ٹیم کسی بھی اسپتال کا ہنگامی دورہ کر کے صورتحال کا جائزہ لے سکتی ہے۔
.
ذریعہ
ذریعہ: Daily Mumtaz
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار