کراچی، آئل ٹینکر مسافر بس پر الٹ گیا، 13 افراد جاں بحق، متعدد زخمی
اشاعت کی تاریخ: 13th, February 2026 GMT
کراچی (نیوزڈیسک) انتہائی افسوسناک حادثہ پیش آیا ہے، آئل ٹینکر کے مسافر وین پر الٹنے سے 13 افراد جاں بحق ہو گئے جبکہ متعدد زخمی ہیں جنہیں ہسپتال منتقل کرنے کا عمل جاری ہے ۔
تفصیلات کے مطابق ایک مسافر بس رانگ وے آ رہی تھی جس کے باعث آئل ٹینکر بے قابو ہو کر ساتھ گزرنے والی چھوٹی مسافر بس پر اُلٹ گیا جبکہ ایک گاڑی بھی ٹینکر کی زد میں آئی، ٹینکر الٹنے سے تیل سڑک پر بہنا شروع ہو گیا ہے جبکہ ریسکیو حکام امدادی کارروائیاں جاری رکھے ہوئے ہیں۔
ریسکیو حکام کا کہناتھا کہ آئل ٹینکرکوکاٹ کرریسکیوآپریشن کیا جائے گا، جائےحادثہ پر کرین کو بھی طلب کر لیا گیا ہے۔
ایس ایس پی ملیر کا کہناتھا کہ اطلاعات ہیں کہ کچھ گاڑیاں سڑک پر رانگ وے آئیں جس سے حادثہ ہوا، کچھ دیر میں حادثے سے متعلق حقائق واضح ہوجائیں گے، ٹینکر میں بھرا آئل سڑک پر بہہ گیاہے۔
ترجمان ریسکیو 1122 کا کہناتھا کہ خوفناک حادثہ حیدرآباد سے کراچی آنے والے ٹریک پر پیش آیا، آئل ٹینکر ڈرائیور سے بےقابو ہوا اور اطراف سے گزرتی مسافر وین پر الٹ گیا، ایک کار بھی آئل ٹینکر کی زد میں آئی، آئل ٹینکرمیں موجود تیل سڑک پر بہہ رہا ہے جس سے خطرہ زیادہ ہے، وین میں پھنسے افراد کو نکالنے کی کوشش جاری۔
.
ذریعہ
ذریعہ: Daily Mumtaz
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا