بھارت ترقی پسند بنگلہ دیش کیساتھ کھڑا ہے، نریندر مودی
اشاعت کی تاریخ: 13th, February 2026 GMT
سوشل میڈیا پر ایک پوسٹ میں بھارتی وزیراعظم نے لکھا کہ میں بنگلہ دیش کے پارلیمانی انتخابات میں بی این پی کو فیصلہ کن جیت دلانے کیلئے طارق رحمان کو تہہ دل سے مبارکباد پیش کرتا ہوں۔ اسلام ٹائمز۔ بنگلہ دیش میں 13ویں پارلیمانی انتخابات میں بنگلہ دیش نیشنلسٹ پارٹی نے دو تہائی اکثریت حاصل کر لی ہے۔ نریندر مودی سمیت کئی سربراہان مملکت نے بی این پی کے طارق رحمان کو اس جیت پر مبارکباد دی ہے۔ سوشل میڈیا پر ایک پوسٹ شیئر کرتے ہوئے نریندر مودی نے لکھا کہ یہ جیت (طارق رحمان) بنگلہ دیشی عوام کے ان کی قیادت پر اعتماد کی عکاسی کرتی ہے۔ سوشل میڈیا پر ایک پوسٹ میں نریندر مودی نے مزید لکھا کہ میں بنگلہ دیش کے پارلیمانی انتخابات میں بی این پی کو فیصلہ کن جیت دلانے کے لئے طارق رحمان کو تہہ دل سے مبارکباد پیش کرتا ہوں۔ یہ جیت بنگلہ دیش کے عوام کے ان کی قیادت پر اعتماد کی عکاسی کرتی ہے۔ انہوں نے کہا کہ ہندوستان ایک جمہوری اور ترقی پسند بنگلہ دیش کی حمایت جاری رکھے گا اور امید کرتا ہے کہ دونوں ممالک کے درمیان تعلقات مضبوط ہوں گے۔
انہوں نے لکھا کہ ہندوستان ایک جمہوری، ترقی پسند اور جامع بنگلہ دیش کی حمایت میں کھڑا رہے گا۔ انہوں نے کہا "میں اپنے متنوع تعلقات کو مضبوط بنانے اور ہمارے مشترکہ ترقیاتی اہداف کو آگے بڑھانے کے لئے آپ کے ساتھ کام کرنے کا منتظر ہوں"۔ اس سے قبل انتخابات میں بھاری اکثریت سے کامیابی کے بعد بی این پی نے حکومت بنانے کے لئے اپنی تیاری کا اعلان کیا تھا۔ بی این پی میڈیا سیل نے ایک پوسٹ شیئر کرتے ہوئے کہا کہ بنگلہ دیش نیشنلسٹ پارٹی (بی این پی) اکثریتی نشستیں جیت کر حکومت بنانے کے لئے تیار ہے۔
واضح رہے کہ بنگلہ دیش میں سابق وزیراعظم شیخ حسینہ کے استعفیٰ کے بعد یہ پہلا بڑا الیکشن تھا۔ بی این پی کے طارق رحمان تقریباً 17 سال بعد وطن واپس آئے اور اقتدار میں زبردست واپسی کی۔ بھارت نے ان کی جیت پر یہ عندیہ دیتے ہوئے کہا ہے کہ وہ نئی حکومت کے ساتھ دوطرفہ تعلقات کو مضبوط کرے گا۔ بنگلہ دیش میں جمعرات کو عام انتخابات ہوئے جس کے بعد گنتی شروع ہوگئی۔ اب تک دستیاب معلومات کے مطابق طارق رحمان کی بی این پی نے 299 میں سے 209 نشستیں حاصل کی ہیں۔ اس تاریخی فتح کے حوالے سے طارق رحمان نے ملک کے عوام سے اپیل کی ہے کہ وہ جشن نہ منائیں بلکہ خالدہ ضیاء کو یاد کریں اور نماز جمعہ ادا کریں۔
ذریعہ
ذریعہ: Islam Times
کلیدی لفظ: انتخابات میں بنگلہ دیش بی این پی ایک پوسٹ لکھا کہ کے لئے
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ