کراچی: کاٹھور کے قریب آئل ٹینکر، بس سمیت متعدد گاڑیوں کی ٹکر، 13 افراد جاں بحق
اشاعت کی تاریخ: 13th, February 2026 GMT
کراچی میں کاٹھور کے قریب آئل ٹینکر اور بس سمیت متعدد گاڑیاں آپس میں ٹکرا گئی۔
پولیس کا کہنا ہے کہ حادثے میں 13 افراد جاں بحق اور متعدد زخمی ہوگئے، جنہیں اسپتال منتقل کردیا گیا۔
سینئر سپرنٹنڈنٹ آف پولیس (ایس ایس پی) عبدالخالق کا کہنا ہے کہ اب تک خواتین اور بچوں سمیت 13 افراد کی لاشوں کو نکالا گیا ہے، پولیس کی نفری موقع پر موجود ہے، ٹریفک کو ایک ٹریک سے بھیجا جا رہا ہے۔
ریسکیو حکام کے مطابق حادثے میں جاں بحق افراد میں 3 خواتین اور 4 بچے شامل ہیں۔
ترجمان کے مطابق آئی جی سندھ جاوید عالم اوڈھو نے پولیس کو فوری طور پر جائےحادثہ پہنچنے کی ہدایت کی اور اطراف کے علاقے کو فوری طور پر محفوظ بنانے کا حکم دیا۔
.
ذریعہ
ذریعہ: Nawaiwaqt
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے