ہم نے ماضی میں کئی بار اڑان بھری لیکن وہ کریشن ہوگئی، احسن اقبال
اشاعت کی تاریخ: 13th, February 2026 GMT
فائل فوٹو
وفاقی وزیر منصوبہ بندی احسن اقبال نے کہا ہے کہ ہم نے ماضی میں کئی بار اڑان بھری لیکن وہ اڑان کریش ہوگئی۔
جامشورو میں میڈیا سے گفتگو میں احسن اقبال نے کہا کہ سیاسی عدم استحکام نے ہماری پالیسیوں کو تسلسل نہیں دیا، ہم نے دہشت گردی ختم کی اور لوڈشیڈنگ کا خاتمہ کیا۔
انہوں نے کہا کہ ہم نے وژن 2010ء بنایا، وہ 2 سال بعد کریش کرگیا کیونکہ مارشل لاء لگ گیا، ہم نے وژن 2025ء کے تحت ترقی شروع کی، ملک کو ایک نئی ڈگر پر ڈالا۔
وفاقی وزیر منصوبہ بندی اور ترقی احسن اقبال نے کہا ہے کہ بھارت اپنے سہولت کاروں کے ذریعے پاکستان میں انتشار چاہتا ہے۔
وفاقی وزیر نے مزید کہا کہ سی پیک جیسا تاریخ ساز منصوبہ کامیاب کیا، ہم پرواز بھرنے کے قابل ہوئے تو 2018ء میں چند لوگوں نے ملک کی ترقی پر میزائل فائر کردیا۔
اُن کا کہنا تھا کہ تبدیلی کے نام پر بٹھائی گئی حکومت نے صرف گالی گلوچ کی اور مخالفین کی پگڑیاں اچھالیں، ان کے حمایتی کوئی 1، 2 یا 3 منصوبے گنوائیں جو ان 4 سالوں میں کئے گئے۔
احسن اقبال نے یہ بھی کہا کہ ہر وہ منصوبہ جو ہم نے شروع کیا، اس کی فنڈنگ روک دی گئی، سی پیک، حیدرآباد سکھر موٹروے، کےفور منصوبے کی کئی گنا لاگت بڑھادی گئی، ملک کو ایک بدترین معاشی بحران میں پھینک کر وہ فارغ ہو گئے۔
.
ذریعہ
ذریعہ: Jang News
کلیدی لفظ: احسن اقبال نے
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار