رپورٹ کے بعد بانی کا فوری علاج شروع ہونا چاہیے تھا، شیخ وقاص اکرم
اشاعت کی تاریخ: 13th, February 2026 GMT
فائل فوٹو
پاکستان تحریک انصاف (پی ٹی آئی) کے مرکزی رہنما شیخ وقاص اکرم نے کہا ہے کہ رپورٹ کے بعد بانی چیئرمین کا فوری علاج شروع ہونا چاہیے تھا۔
پشاور میں میڈیا سے گفتگو میں شیخ وقاص اکرم نے کہا کہ بانی پی ٹی آئی کی صحت سے متعلق سلمان صفدر نے رپورٹ جمع کرائی ہے۔
اپوزیشن لیڈرقومی اسمبلی محمود خان اچکزئی نے پارلیمنٹرینز کو روکنے پر احتجاج ریکارڈ کرادیا۔
انہوں نے کہا کہ بانی چیئرمین کی آنکھ کے معائنہ کے دوران فیملی ممبر کو ساتھ دینےکی اجازت نہ دینا تکلیف دہ ہے، رپورٹ جمع ہونے کے بعد بانی پی ٹی آئی کا فوری علاج شروع ہونا چاہیے تھا۔
پی ٹی آئی رہنما نے مزید کہا کہ بتایا جائے کہ آپ کیسے سابق وزیر اعظم کے ساتھ ایسا کرسکتے ہیں؟، بانی پی ٹی آئی کا علاج ان کے ذاتی معالج سے کرایا جائے۔
اُن کا کہنا تھا کہ بانی پی ٹی آئی کو کچھ ہوتا ہے تو اس کی ذمےداری سب پر ہوگی، سپریم کورٹ سے حکم نامے کا انتظار ہے۔
.
ذریعہ
ذریعہ: Jang News
کلیدی لفظ: بانی پی ٹی آئی
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا