مشرف کالونی میں ایک ہی خاندان کے 3افراد قتل ، دیگر واقعات میں3 جاں بحق
اشاعت کی تاریخ: 14th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی ( اسٹاف رپورٹر )سعید آباد تھانے کی حدود مشرف کالونی کا کو آغا کالونی میں فائرنگ کے واقعہ میں ایک خاندان کے تین افراد جاں بحق ہوگئے، ایک خاتون زخمی ہوگئی۔دیگر واقعات میں3افراد جاںبحق ہوگئے۔ ابتدائی تحقیقات سے پتہ چلتا ہے کہ فائرنگ کا واقعہ ذاتی دشمنی کے باعث ہوا ہے۔جاں بحق ہونے والوں میں ایک میاں، بیوی اور ان کا بیٹا شامل ہیں۔ جاں بحق افراد کی شناخت 60 سالہ عابد علی، 50 سالہ مریم زوجہ عابد علی ، بیٹا 20 سالہ زوہیب کے نام سے ہوئی ہے۔مقتول عابد، جو ایک ڈرائیور تھا اور مانسہرہ کا رہائشی تھا، اپنے خاندان کے ساتھ رہ رہا تھا۔ فائرنگ کے دوران عابد کی سالی 35سالہ فاطمہ زوجہ قدیر زخمی ہوئی، جو گھر میں مہمان آئی ہوئی تھی۔زخمی خاتون کے مطابق، حملہ آور مقتول عابد کا ہم زلف دانش تھا، جس کے ساتھ عابد کے بیٹی کے معاملے پر تنازع تھا۔ پولیس کے مطابق مقتول عابد نے اپنی ایک بیٹی کو دانش کے حوالے کیا تھا، جس پر دونوں کے درمیان اختلافات بڑھ گئے تھے۔ملزم دانش مقتول عابد کی بیٹی علینہ کو ساتھ لے گیا،عینی شاہدین کے مطابق، ملزم دانش کو فائرنگ کے بعد عابد کے گھر سے فرار ہوتے ہوئے دیکھا گیا۔ پولیس کا کہنا ہے کہ فائرنگ کے واقعے میں مرنے والوں کی لاشوں اور زخمی کو ضابطے کی کارروائی کیلئے اسپتال منتقل کر دیا گیا۔پولیس حکام کے مطابق ابتدائی طور پر فائرنگ کا واقعہ دشمنی کا شاخسانہ معلوم ہوتا ہے، کرائم سین یونٹ کو جائے وقوعہ پر طلب کر لیا گیا۔مقامی پولیس حکام کا کہنا ہے کہ اس واقعہ میں ذاتی دشمنی کی بنا پر واردات کی توقع کی جا رہی ہے، تاہم تحقیقات مکمل ہونے پر مزید معلومات فراہم کی جائیں گی۔ پاکستان بازار تھانے کی حدود اورنگی ٹاؤن کے علاقے عبداللہ بن مسجد کے قریب ایک گھر سے 16 سالہ نیہا دختر لیاقت کی لاش لٹکی ہوئی ملی۔ پولیس نے واقعہ کا نوٹس لیتے ہوئے لاش کو اسپتال منتقل کر دیا اور مزید تحقیقات شروع کر دی ہیں۔ ابتدائی طور پر یہ خودکشی کا معاملہ لگتا ہے، تاہم پولیس تمام پہلوؤں کو مدنظر رکھتے ہوئے تفتیش کر رہی ہے۔ سائٹ بی تھانے کی حدود شیر شاہ میزان بینک کے قریب ٹریفک حادثہ ایک شخص 25سالہ ورن ولدکانتی جاں بحق ہوگیا ۔متوفی کی لاش کو سول اسپتال ٹراما سینٹر منتقل کیا گیا ۔جمشید کواٹر تھانے کی حددجہانگیر روڈ نزد ٹوٹل پمپ کے قریب روڈ کے کنارے سے25سالہ نوجوان کی لاش ملی ، متوفی کی لاش کو متعلقہ تھانے سے ضابطہ کی کاروائی کے بعد لاش ایدھی ھوم سہراب گوٹھ ایدھی سرد خانے منتقل کر دیا گیا۔ دوسری جانب موچکو تھانے کی حدود رئیس گوٹھ میں 30 سالہ شہزاد ولد عطا محمد کو نامعلوم وجوہات پر فائرنگ کر کے زخمی کر دیا گیا۔ سچل سمیرا سوسائٹی میں ایک 40 سالہ شخص کو نامعلوم وجوہات کی بنا پر فائرنگ کر کے زخمی کر دیا گیا۔ زخمی کو علاج کے لیے اسپتال منتقل کر دیا گیا ہے، اور پولیس اس بات کی تحقیقات کر رہی ہے کہ فائرنگ کا محرک کیا تھا۔ بن قاسم تھانے کی حدود پورٹ قاسم چورنگی کے قریب 20 سالہ دانیال ولد رحیم کو ذاتی تنازعہ کی وجہ سے فائرنگ کا نشانہ بنایا گیا۔ دانیال کو فوری طور پر جناح اسپتال اسپتال منتقل کیا گیا، اور پولیس مزید تفتیش کر رہی ہے۔ نیو کراچی تھانے کی حدود نارتھ کراچی اسلامیہ کالونی کے سیکٹر 11-E دھوبی گارڈ گراونڈ کے قریب گھر میں اتفاقیہ گولی چلنے سے 15 سالہ حمزہ ولد محمود زخمی ہو گیا۔ زخمی کو علاج کے لیے اسپتال منتقل کر دیا گیا ہے، اور پولیس تحقیقات کر رہی ہے کہ یہ واقعہ کس طرح پیش آیا۔ سپر ہائی وے پر DHA سٹی کے قریب ٹریفک حادثے کے نتیجے میں ایک مرد اور ایک خاتون جاں بحق جبکہ متعدد افراد زخمی ہو گے ۔
ذریعہ
ذریعہ: Jasarat News
کلیدی لفظ: اسپتال منتقل کر دیا منتقل کر دیا گیا تھانے کی حدود مقتول عابد فائرنگ کے فائرنگ کا کر رہی ہے کے مطابق میں ایک کے قریب کی لاش
پڑھیں:
جاپان میں جنگلی ریچھ نے حملے کر کے چار افراد کو زخمی کر دیا
اسلام آباد (اُردو پوائنٹ ۔ DW اردو۔ 02 جون 2026ء) چڑھتے ہوئے سورج کی سرزمین کہلانے والی مشرق بعید کی روایت پسند بادشاہت جاپان کے دارالحکومت ٹوکیو سے موصولہ رپورٹوں کے مطابق پولیس حکام کے ساتھ ساتھ میڈیا رپورٹوں میں بھی بتایا گیا کہ شمالی جاپان کے شہر فوکوشیما میں ایک جنگلی ریچھ نے متعدد حملے کر کے منگل کے روز مجموعی طور پر چار شہریوں کو زخمی کر دیا۔
سویڈن میں بھورے ریچھ کے شکار پر تحفظ پسندوں کو گہری تشویش
فوکوشیما جاپان کے جس پریفیکچر یا انتظامی علاقے میں واقع ہے، وہاں کی پولیس کی طرف سے جاری کردہ ایک بیان میں کہا گیا، ''ریچھ کے حملوں کی وجہ سے انسانوں کے زخمی ہونے کے تازہ واقعات میں، جو فوکوشیما شہر میں پیش آئے، چار افراد زخمی ہو گئے ہیں۔
(جاری ہے)
‘‘
کینیڈا کے قطبی ریچھ معدومیت کے خطرے سے دوچار
ریچھ نے حملے دو فیکٹریوں اور ایک رہائشی علاقے میں کیےاس مقابلتاﹰ عظیم الجثہ جنگی جانور نے یہ حملے دو فیکٹریوں میں اور ایک رہائشی علاقے میں کیے۔
مقامی پولیس کے سربراہ اور فائر بریگیڈ کے عملے کا بیانات کا حوالہ دیتے ہوئے جاپانی میڈیا نے بتایا کہ اس ریچھ کو پہلے موٹر گاڑیوں کے پرزے بنانے والی ایک فیکٹری میں دیکھا گیا تھا، جس کے بعد پولیس کو کی گئی ایک ایمرجنسی کال میں اطلاع دی گئی تھی کہ اس ریچھ کے کاٹنے سے ''ملازمین زخمی‘‘ ہو گئے تھے۔ناروے: سیاح کو زخمی کرنے والے قطبی ریچھ کو مار دیا گیا
اس واقعے کے بعد یہ جنگلی ریچھ اس فیکٹری سے نکل کر ایک رہائشی علاقے کی طرف بھاگا اور اس کے بعد ایک ایسی دوسری فیکٹری کی طرف جہاں الیکٹرانک مصنوعات تیار کی جاتی ہیں۔
یہاں بھی یہ ریچھ دو افراد کے زخمی ہونے کی وجہ بنا۔ملکی میڈیا کے مطابق ان تین حملوں میں زخمی ہونے والے چار افراد میں سے ایک شدید زخمی ہوا ہے جبکہ باقی تین افراد کو کوئی شدید زخم نہیں آئے۔
گزشتہ برس ریچھوں کے ہاتھوں ریکارڈ حد تک زیادہ 13 ہلاکتیںجاپان میں گزشتہ برس کے اعداد و شمار کے مطابق 2025 میں ملک بھر میں ریچھوں کے انسانوں پر کیے گئے حملوں میں 13 افراد ہلاک ہو گئے تھے، جو اس نوعیت کی انسانی ہلاکتوں کی ریکارڈ حد تک زیادہ سالانہ تعداد تھی۔
ایسے حملے روایتی طور پر اس وقت زیادہ دیکھنے میں آتے ہیں، جب شدید نوعیت کے موسم سرما کے دوران کافی عرصے تک اپنی مقابلتاﹰ گرم اور انسانی آنکھوں سے پوشیدہ پناہ گاہوں میں قیام کے بعد ایسے جنگلی جانور باہر نکلتے ہیں اور بہت بھوکے ہونے کے باعث خوراک کی تلاش کے دوران انسانوں پر حملے بھی کر دیتے ہیں۔
جفتی کی کوشش میں ریچھ نے ساتھی کی جان لے لی
سرکاری ڈیٹا کے مطابق اس سال مارچ میں ختم ہونے والے جاپان کے گزشتہ مالی سال کے دوران پورے ملک میں جنگلی ریچھوں کے ان کے قدرتی ماحول سے باہر کے علاقوں میں دیکھے جانے کے واقعات کی مجموعی تعداد 50 ہزار سے زائد رہی تھی، جو ایک نیا ریکارڈ تھا۔
اوساکا کے شہری کا مقامی بلدیہ کے لیے غیر معمولی عطیہ، اکیس کلوگرام سونا
اس سے قبل اس سالانہ تعداد کا ریکارڈ دو سال قبل مالی سال 2023 میں قائم ہوا تھا۔ لیکن 2025 میں جنگلی ریچھوں کے شہری یا دیہی علاقوں میں نظر آنے کے واقعات دو گنا سے بھی زیادہ ہو گئے تھے۔
’برفانی انسان‘ دراصل ریچھ کی ایک قسم ہے، تحقیق
ماحولیاتی تبدیلیوں سے متعلق جاپان کی وازرات کے مطابق ملک میں جنگلی ریچھوں کے حملوں کے واقعات میں گزشتہ جان لیوا واقعہ اسی سال اپریل میں پیش آیا تھا، جس میں ایک ریچھ نے حملہ کر کے ایک شخض کو ہلاک اور پانچ دیگر کو زخمی کر دیا تھا۔
جاپانی حکومت کی طرف سے ملک میں جنگلی ریچھوں کی مجموعی آبادی کا اندازہ 57,800 کے قریب لگایا جاتا ہے۔
ادارت: جاوید اختر
وزارت آئی ٹی نے 1.67 ارب روپے سے زاید کے فنڈز طلب کرلیے