پڈعیدن: رمضان کے پیش نظر اشیائے خوردونوش کی قیمتوں کے تعین کیلیے اجلاس
اشاعت کی تاریخ: 14th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پڈعیدن (نمائندہ جسارت) رمضان المبارک کے مقدس مہینے کے پیشِ نظر اشیائے خوردونوش اور روزمرہ استعمال کی ضروری اشیاء کی قیمتوں کے تعین، منافع خوری کی روک تھام اور عوام کو زیادہ سے زیادہ ریلیف فراہم کرنے کے حوالے سے ایک اہم اور جامع اجلاس آج ڈپٹی کمشنر آفس نوشہرو فیروز میں منعقد ہوا۔ اجلاس کی صدارت اسسٹنٹ کمشنر نوشہرو فیروز محمد عثمان عارف نے کی۔اجلاس میں ضلع بھر کے تمام اسسٹنٹ کمشنرز، ریونیو افسران، مختلف سرکاری محکموں کے افسران، مارکیٹ کمیٹی کے نمائندگان، پرائس کنٹرول مجسٹریٹس، تاجر برادری، ہول سیلرز اور دکانداروں نے شرکت کی۔ اجلاس کا بنیادی مقصد رمضان المبارک کے دوران عوام کو آٹا، چینی، گھی، دالیں، چاول، سبزیاں، پھل، گوشت اور دیگر ضروری اشیاء مقررہ اور مناسب نرخوں پر بلا تعطل فراہمی کو یقینی بنانا تھا۔اس موقع پر خطاب کرتے ہوئے اسسٹنٹ کمشنر محمد عثمان عارف نے کہا کہ رمضان المبارک ہمیں صبر، ایثار اور خدمتِ خلق کا درس دیتا ہے، لہٰذا بحیثیت مسلمان اور ذمہ دار شہری ہم سب پر لازم ہے کہ اس بابرکت مہینے کا مکمل احترام کریں اور عوام کو ہر ممکن ریلیف فراہم کریں۔ انہوں نے واضح کیا کہ ضلعی انتظامیہ کی جانب سے اشیائے ضروریہ کی باقاعدہ ریٹ لسٹ جاری کی جائے گی جس پر سختی سے عملدرآمد کرایا جائے گا۔انہوں نے تاجروں کو ہدایت کی کہ سرکاری نرخ نامہ نمایاں جگہوں پر آویزاں کیا جائے اور مقررہ قیمتوں سے زائد وصولی ہرگز نہ کی جائے۔ انہوں نے متنبہ کیا کہ ذخیرہ اندوزی، مصنوعی قلت پیدا کرنے اور ناجائز منافع خوری میں ملوث عناصر کے خلاف سخت قانونی کارروائی عمل میں لائی جائے گی، جبکہ خلاف ورزی کے مرتکب دکانداروں کو جرمانوں اور دیگر قانونی سزاؤں کا سامنا کرنا پڑے گا۔
ذریعہ
ذریعہ: Jasarat News
پڑھیں:
بلوچستان میں پیش آنیوالے پے درپے دہشتگردی کے واقعات افسوسناک ہیں، علامہ مقصود ڈومکی
اپنے بیان میں ایم ڈبلیو ایم رہنماء علامہ مقصود ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جسکا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی صدر علامہ مقصود علی ڈومکی نے ببرلو بائی پاس پر پریا کماری سمیت لاپتا و مغوی بچوں کی بازیابی کے لئے جاری پرامن دھرنے پر پولیس کے کریک ڈاؤن، خواتین پر تشدد، ان کی بے حرمتی، بزرگ رہنماء لیاقت جلبانی، سوہنی پارس، صحافی ساحل جوگی اور متعدد مظاہرین کی گرفتاری کی شدید الفاظ میں مذمت کرتے ہوئے کہا ہے کہ اپنے بچوں کی بازیابی کے لئے سراپا احتجاج مظلوم والدین، خصوصاً ماؤں پر طاقت کا استعمال انتہائی افسوسناک، غیر انسانی اور قابل مذمت ہے۔ انہوں نے کہا کہ حکومت سندھ احتجاج کرنے والے مظلوم خاندانوں پر تشدد کرنے کے بجائے پریا کماری سمیت تمام مغوی بچوں اور بچیوں کی فوری اور محفوظ بازیابی کو یقینی بنائے، گرفتار افراد کو فوری رہا کرے اور صحافیوں کے آئینی و قانونی حقوق کا احترام کرے۔ انہوں نے کہا کہ پرامن احتجاج ہر شہری کا آئینی حق ہے اور اس حق کو طاقت کے ذریعے سلب نہیں کیا جا سکتا۔
علامہ مقصود ڈومکی نے بلوچستان کے ضلع مستونگ میں دہشت گردی کے افسوسناک واقعے کی بھی شدید مذمت کرتے ہوئے سیشن جج عبدالحکیم کاکڑ اور ان کے پولیس محافظ کی شہادت پر گہرے رنج و غم کا اظہار کیا اور زخمی جج طارق علی لاشاری کی جلد و مکمل صحت یابی کے لئے دعا کی۔ انہوں نے کہا کہ گزشتہ کئی دہائیوں سے بلوچستان میں پیش آنے والے پے درپے دہشت گردی کے واقعات افسوسناک ہیں، اس ہفتے ژوب سے سفر کرنے والے خاندان پر حملہ، کوئٹہ سے کراچی جانے والی مسافر کوچ کا المناک سانحہ اور مستونگ میں سیشن جج عبدالحکیم کاکڑ کی شہادت شامل ہیں، صوبے میں امن و امان کی انتہائی تشویشناک صورتحال کی عکاسی کرتے ہیں۔
علامہ مقصود علی ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جس کا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ گزشتہ کئی دہائیوں کے آپریشنز سے نہ امن قائم ہوا، نہ دہشت گردی ختم ہوئی اور نہ ہی مسائل کا مستقل حل نکلا، لہٰذا اب وقت آ گیا ہے کہ حکومت طاقت کی پالیسی ترک کرکے سیاسی مکالمے، مفاہمت اور سنجیدہ مذاکرات کا راستہ اختیار کرے۔ انہوں نے مطالبہ کیا کہ پاکستان کے عوام کے حقیقی منتخب نمائندوں کو ان کا آئینی و جمہوری حق دیا جائے، عوامی مینڈیٹ کا احترام کیا جائے اور تمام سیاسی و سماجی اسٹیک ہولڈرز کے ساتھ نتیجہ خیز مذاکرات کئے جائیں۔ انہوں نے کہا کہ انصاف، سیاسی شمولیت اور عوام کے اعتماد کی بحالی ہی بلوچستان میں پائیدار امن کی ضمانت ہے، جبکہ دہشت گردی کے واقعات کی روک تھام کے لئے شہریوں کے جان و مال کا تحفظ ریاست کی اولین ذمہ داری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا