ٹی20 ورلڈ کپ: بھارت سے بڑے مقابلے سے قبل پاکستان کا بھرپور ٹریننگ سیشن
اشاعت کی تاریخ: 14th, February 2026 GMT
پاکستان کرکٹ ٹیم نے آئی سی سی مینز ٹی20 ورلڈ کپ 2026 میں روایتی حریف بھارت کے خلاف اہم میچ سے قبل جمعہ کو بھرپور ٹریننگ سیشن کیا۔ دونوں ٹیموں کے درمیان یہ ہائی وولٹیج مقابلہ اتوار کو کولمبو کے آر پریماداسا اسٹیڈیم میں کھیلا جائے گا۔
تفصیلات کے مطابق قومی ٹیم کے کھلاڑیوں نے اسی مقام پر 3 گھنٹے طویل پریکٹس سیشن میں حصہ لیا تاکہ مقامی کنڈیشنز سے ہم آہنگ ہو سکیں۔ سخت تربیتی سیشن کے دوران گرین شرٹس نے بیٹنگ، بولنگ اور فیلڈنگ کی مشقیں کوچنگ اسٹاف کی نگرانی میں انجام دیں۔
یہ بھی پڑھیے: ہانک کانگ سپر سکسز ٹورنامنٹ کا آغاز ہوگیا، پاک بھارت ٹاکرا کب ہوگا؟
اس موقع پر ماہر بیٹرز اور بولرز کو صورتحال کے مطابق اہداف دیے گئے، جنہیں پورا کرنے کے لیے خصوصی مشقیں کروائی گئیں۔ کوچز کی جانب سے سیناریو بیسڈ پریکٹس پر خاص توجہ دی گئی تاکہ کھلاڑی میچ کی دباؤ والی صورتحال سے نمٹنے کے لیے تیار رہیں۔
واضح رہے کہ یہ مقابلہ دونوں ٹیموں کے لیے انتہائی اہمیت کا حامل ہے، کیونکہ فتح کی صورت میں سپر ایٹ مرحلے میں رسائی تقریباً یقینی ہو جائے گی۔ سپر ایٹ مرحلہ 21 فروری سے شروع ہوگا، جس میں چاروں گروپس کی ٹاپ دو ٹیمیں حصہ لیں گی۔
یہ بھی پڑھیے: پاکستان-انڈیا ٹی20: خواتین شائقین کی قومی ٹیم سےامیدیں
گروپ اے کی پوائنٹس ٹیبل پر اس وقت پاکستان 2 میچوں میں 4 پوائنٹس کے ساتھ دوسرے نمبر پر موجود ہے، جبکہ بھارت بھی اتنے ہی پوائنٹس کے ساتھ سرفہرست ہے تاہم بہتر نیٹ رن ریٹ کی بنیاد پر اسے برتری حاصل ہے۔
پاکستانی اسکواڈسلمان علی آغا (کپتان)، ابرار احمد، بابر اعظم، فہیم اشرف، فخر زمان، خواجہ نفیع، محمد نواز، محمد سلمان مرزا، نسیم شاہ، صاحبزادہ فرحان، صائم ایوب، شاہین شاہ آفریدی، شاداب خان، عثمان خان اور عثمان طارق۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
PAK INDIA MATCH پاک انڈیا میچ ٹریننگ سیشن.
ذریعہ
ذریعہ: WE News
کلیدی لفظ: پاک انڈیا میچ کے لیے
پڑھیں:
پاکستان میں پٹرولیم مصنوعات کی کھپت میں 23 فیصد کمی
پاکستان میں مختلف اقسام کے ایندھن کی فروخت کا ماہانہ ڈیٹا جاری(mothly data) کردیا گیا۔ ملک میں پیٹرولیم مصنوعات کی فروخت میں سالانہ بنیادوں پر 23 اور ماہانہ 14 فیصد کمی آئی۔
اعداد وشمار کے مطابق مئی 2026 میں11لاکھ 72ہزارٹن پیٹرولیم مصنوعات فروخت کی گئیں، مئی میں پیٹرولیم مصنوعات کی فروخت میں سالانہ 23اورماہانہ14فیصد کمی آئی۔
مئی میں آئل ریفائنریز کی پیداوارمیں بھی 7فیصد کمی ریکارڈ کی گئی، سب سےبڑی کمی فرنس آئل کی فروخت میں سالانہ 64اورماہانہ 79فیصد آئی، فرنس آئل کی فروخت سالانہ بنیادپر80ہزارٹن سےگرکر29ہزارٹن پرآگئی۔
مئی میں سالانہ بنیاد پرڈیزل کی فروخت 32 فیصد کم ہوکر4لاکھ 55 ہزار ٹن جبکہ سالانہ بنیاد پرپیٹرول کی فروخت 12فیصد کم ہوکر6لاکھ 17ہزار ٹن رہی۔
مزید پڑھیں:حکومت نے بجلی کی سبسڈی کو “ٹارگٹڈ” بنانے کیلئے نیا سسٹم متعارف کرادیا۔۔؟؟
مئی میں پاکستان اسٹیٹ آئل کی فروخت میں 19اوراٹک پیٹرولیم میں 30فیصد کمی دیکھی گئی جبکہ وافی انرجی کی فروخت 16فیصداورحیسکول پیٹرولیم کی فروخت میں37 فیصد کمی آئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ