’آئیے لندن کا بہترین چہرہ دکھائیں‘، میئر صادق خان نے لیسٹر اسکوائر میں رمضان لائٹس کا افتتاح کردیا
اشاعت کی تاریخ: 14th, February 2026 GMT
لندن کے معروف علاقے ویسٹ اینڈ میں روشنی اور امید کی فضا اس وقت قائم ہو گئی جب میئر صادق خان نے لیسٹر اسکوائر میں اس سال کی رمضان لائٹس کا باقاعدہ افتتاح کیا اور کمیونٹیز سے تقسیم کے خلاف متحد ہونے کی اپیل کی۔
انہوں نے کہا ’آئیے لندن کا بہترین چہرہ دکھائیں، برطانیہ کا بہترین چہرہ دکھائیں، اور اسلام کا بہترین چہرہ دکھائیں‘۔
London Mayor Sadiq Khan switches on Ramadan Lights, sponsored by The Aziz Foundation.
— Murtaza Ali Shah (@MurtazaViews) February 13, 2026
انہوں نے کہاکہ میں مسلمانوں، عیسائیوں، یہودیوں، بدھ مت کے پیروکاروں، سکھوں، منظم مذاہب سے تعلق رکھنے والوں اور ان سے بھی جو کسی مذہب سے وابستہ نہیں، سب سے اپیل کرتا ہوں کہ رمضان کے اس مہینے میں اکٹھے ہوں۔
30 ہزار سے زیادہ ایل ای ڈی لائٹس نے دارالحکومت کو روشن کر دیا، جن کا ڈیزائن اسلامی ہندسی نقش و نگار اور رمضان کے فلکیاتی نظم و ضبط سے متاثر ہے، جو روزے کے روزانہ اوقات کی عکاسی کرتا ہے۔ پورے ماہِ مقدس کے دوران یہ روشنیوں کا منظرنامہ ’ہیپی رمضان‘ دکھائے گا، جو 18 مارچ کو ’ہیپی عید‘ میں تبدیل ہو جائے گا۔
اسلاموفوبیا اور وسیع تر سماجی کشیدگی میں اضافے پر بات کرتے ہوئے میئر لندن نے ان عناصر کا ذکر کیا جو تقسیم، نفرت اور خوف کے بیج بو رہے ہیں۔
انہوں نے کہاکہ رمضان کے اس مہینے میں ہم نے نفرت کے بجائے محبت کا پیغام عام کرنا ہے۔
انہوں نے روزہ رکھنے والے مسلمانوں کو یاد دہانی بھی کرائی کہ وہ اپنی دعاؤں اور خیرات میں سوڈان، غزہ اور یوکرین سمیت دنیا بھر میں مصائب کا شکار افراد کو یاد رکھیں۔
اپنی تاریخی تیسری مدت کے دوران جرائم کی شرح اور ٹرانسپورٹ پالیسی پر تنقید سمیت سیاسی چیلنجز کے باوجود میئر نے خوشگوار انداز اپناتے ہوئے مسلم کمیونٹی کو ’رمضان کریم’ کہا اور روزے کی حقیقتوں پر ہلکا پھلکا تبصرہ بھی کیا۔
انہوں نے مزاحیہ انداز میں کہاکہ اگر آپ غیر مسلم ہیں تو اپنے کسی مسلمان دوست سے پوچھیں کہ وہ اتنے اداس کیوں ہیں، وہ آپ کو بتائیں گے کہ روزہ رکھنا مشکل ہوتا ہے۔
مزید پڑھیں: اسلام آباد میں رمضان کی بیسٹ اور کم قیمت فوڈ ڈیلز کہاں کہاں دستیاب ہیں؟
یہ نمایاں روشنیوں کا انتظام عزیز فاؤنڈیشن کی جانب سے کیا گیا ہے، جو مسلسل چوتھے سال اس اقدام کی قیادت کر رہی ہے۔
فاؤنڈیشن کا مقصد برطانوی مسلمانوں کو تعلیم، میڈیا، قانون اور سیاست میں نظامی رکاوٹوں پر قابو پانے کے لیے بااختیار بنانا ہے، اور اس نے ان روشنیوں کو صرف مذہبی علامت نہیں بلکہ تمام لندن والوں کے لیے مشترکہ ثقافتی جشن کے طور پر پیش کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افتتاح رمضان لائٹس صادق خان میئر لندن وی نیوز
ذریعہ
ذریعہ: WE News
کلیدی لفظ: افتتاح رمضان لائٹس وی نیوز انہوں نے
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار