مستقبل کے سہانے خواب لیکر جانے والے 3 نوجوان ایران میں جاں بحق، سمگلر گرفتار
اشاعت کی تاریخ: 14th, February 2026 GMT
گوجرانوالہ (نمائندہ خصوصی) مسقبل کے سہانے خواب لیکر جانے والے تین نوجوان ایران میں جاں بحق ہوگئے، نعشیں گھر پہنچ گئیں۔ شناخت کے بعد اصغر علی اور عبدالباسط کی تدفین کردی گئی لیکن حمزہ احسان کے نام سے گوجرانوالہ لائی گئی میت کو ورثاء نے شناخت نہیں کیا۔ حمزہ احسان کے گھر والوں نے کہا کہ جو لاش ان کے حوالے کی گئی وہ ان کا بیٹا نہیں۔ انہوں نے ٰ حکام سے مطالبہ کیا کہ ان کے بچے کی تلاش کی جائے۔ یہ تینوں نوجوان دسمبر میں پاکستان سے عراق کیلئے روانہ ہوئے تھے۔ ایران سے موصول سرکاری معلومات کے مطابق یہ تینوں افراد برفانی طوفان میں پھنس گئے تھے جس کے باعث تینوں جاں بحق ہوگئے۔ حمزہ احسان کا محلہ دار عدیل بھی ان کے ساتھ تھا جس کا ابھی تک اپنے گھر والوں سے رابطہ نہیں ہو رہا۔ ایف آئی اے نے کہا کہ واقعے میں ملوث انسانی سملگرز کے خلاف کارروائیاں جاری ہیں اور ایک انسانی سمگلر حسن شاہ کو گرفتار کرلیا گیا۔ ادھر بتایا گیا ہے کہ انسانی سمگلرز نے اب نوجوانوں کو جو یورپ نہیں جاسکتے انہیں دبئی، سعودی عرب، مسقط کے بعد عراق ایران کی طرف راغب کرنا شروع کر دیا ہے، انہیں لالچ دیا جاتا ہے کہ وہاں اچھا روزگار ہے، وہاں سے دوسرے ملک آگے نکل سکتے ہو، انسانی سمگلرز یہ سہانے خواب دکھا کر پیسے بٹورتے ہیں۔
.
ذریعہ
ذریعہ: Nawaiwaqt
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا