پنجاب: لاہور سمیت مختلف شہروں سے 26 دہشتگرد گرفتار
اشاعت کی تاریخ: 14th, February 2026 GMT
—فائل فوٹو
لاہور سمیت پنجاب بھر کے مختلف شہروں سے 26 دہشت گردوں کو گرفتار کر لیا گیا۔
لاہور سے جاری ہونے والے بیان میں کاؤنٹر ٹیرر ازم ڈیپارٹمنٹ حکام نے کہا ہے کہ لاہور سے القاعدہ کے 1، سرگودھا سے فتنہ الخوارج کے 4 دہشت گردوں کو گرفتار کیا گیا ہے۔
حکام کا کہنا ہے کہ دہشت گردوں کا تعلق علاقہ غیر سے ہے، جن کے قبضے سے دھماکا خیز مواد، ای آئی ڈی بم، 3 ڈیٹونیٹر برآمد کیے گئے ہیں۔
گرفتار دہشت گردوں میں عرفان، ضامن علی، مجاہد علی، فیصل، شیراز، نعمت اللّٰہ، اسامہ، غلام یاسین، یاسر، عمران و دیگر شامل ہیں۔
سی ٹی ڈی حکام نے یہ بھی بتایا ہے کہ حراست میں لیے گئے دہشت گرد مختلف مقامات پر کارروائی کرنا چاہتے تھے۔
.
ذریعہ
ذریعہ: Jang News
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا