بغیر اجازت دوسری شادی پر شوہر پہلی بیوی کو مہر کی رقم فوری ادا کرنے کا پابند ہوگا، لاہور ہائیکورٹ
اشاعت کی تاریخ: 14th, February 2026 GMT
لاہور ہائیکورٹ نے بغیر اجازت دوسری شادی کرنے والے شوہر کو پہلی بیوی کو 10 لاکھ روپے حقِ مہر ادا کرنے کا پابند قرار دے دیا۔
جسٹس عابد حسین چٹھہ نے مہناز سلیم کی درخواست پر آٹھ صفحات پر مشتمل تحریری فیصلہ جاری کیا۔
مزید پڑھیں: ڈاکٹر نبیہہ کے شوہر دوسری شادی کے لیے تیار؟ حارث کھوکھر نے پرانے بیانات پر سوال اٹھادیا
عدالت نے قرار دیا کہ بیوی کی اجازت کے بغیر ایک اور شادی کرنے کی صورت میں شوہر فوری طور پر حقِ مہر ادا کرنے کا پابند ہوگا۔
عدالت نے یہ بھی حکم دیا کہ طلاق مؤثر ہونے تک پہلی بیوی کو ماہانہ 15 ہزار روپے خرچ ادا کیا جائے اور جہیز کے سامان کی مالیت کے مطابق رقم بھی دی جائے۔
فیصلے میں کہا گیا کہ یہ قانونی شق خواتین کے مالی حقوق کے تحفظ اور من مانی شادیوں کی روک تھام کے لیے ہے۔
مقدمے کی تفصیلات کے مطابق خاتون نے فیملی کورٹ میں حقِ مہر، نان نفقہ اور سامانِ جہیز کی واپسی کے لیے دعویٰ دائر کیا تھا۔
فیملی کورٹ نے عدت کے دوران 15 ہزار روپے ماہانہ خرچ اور 10 لاکھ روپے حقِ مہر 45 ہزار روپے ماہانہ اقساط میں ادا کرنے کا حکم دیا تھا، جبکہ جہیز کی مد میں 10 لاکھ 500 روپے مقرر کیے تھے۔
بعد ازاں دونوں فریقین نے سیشن کورٹ میں اپیل کی، جہاں ٹرائل کورٹ نے شوہر کی اپیل جزوی طور پر منظور کرتے ہوئے حقِ مہر اور خرچ کا حکم کالعدم قرار دے دیا اور جہیز کی رقم کم کر کے 4 لاکھ روپے کر دی۔ اس فیصلے کے خلاف خاتون نے لاہور ہائی کورٹ سے رجوع کیا۔
درخواست گزار کے مطابق شوہر نے بغیر اجازت تیسری اور پھر چوتھی شادی کی اور اسے صرف تین کپڑوں میں گھر سے نکال دیا۔
مؤقف اختیار کیا گیا کہ شوہر نے زبانی طلاق دی، تاہم عدالت نے قرار دیا کہ زبانی طلاق قانونی تقاضے پورے کیے بغیر مؤثر نہیں ہوتی، اور اس صورت میں ازدواجی رشتہ برقرار رہتا ہے۔
عدالت نے کہاکہ اگر بیوی کے گھر چھوڑنے کی قانونی وجہ موجود ہو تو شوہر طلاق مؤثر ہونے تک اخراجات دینے کا پابند ہے۔
عدالتی فیصلے میں یہ بھی درج ہے کہ شوہر نے نکاح کے وقت صرف پہلی شادی کا ذکر کیا، جس کی بیوی وفات پا چکی تھی، تاہم بعد میں معلوم ہوا کہ وہ دوسری شادی بھی کر چکا تھا اور درخواست گزار تیسری بیوی تھی۔
عدالت کے مطابق شوہر کا دوسری شادی کو چھپانا ریکارڈ سے ثابت ہوا اور یہ اس کا اخلاقی فرض تھا کہ نکاح کے وقت درست معلومات فراہم کرتا۔
مزید پڑھیں: فرال نے والد کی دوسری شادی کی تیاری کیوں کی؟ فضا علی کے ردعمل نے سب کو چونکا دیا
شوہر نے یہ مؤقف بھی اپنایا کہ نکاح نامے میں 10 لاکھ روپے حقِ مہر کی رقم جعلی طور پر درج کی گئی اور بیوی اپنی مرضی سے گھر چھوڑ کر گئی، اس لیے وہ خرچ کی حقدار نہیں۔
تاہم عدالت نے قرار دیا کہ یہ ثابت نہیں ہوا کہ خاتون نے کسی بدسلوکی یا نافرمانی کے باعث گھر چھوڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حق مہر دوسری شادی شوہر لاہور ہائیکورٹ وی نیوز.
ذریعہ
ذریعہ: WE News
کلیدی لفظ: شوہر لاہور ہائیکورٹ وی نیوز ادا کرنے کا لاکھ روپے کا پابند عدالت نے کے مطابق شوہر نے کے لیے دیا کہ
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا