بی این پی کا تہنیتی پیغام پر صدر آصف علی زرداری سے اظہارِ تشکر
اشاعت کی تاریخ: 14th, February 2026 GMT
بنگلا دیش نیشنلسٹ پارٹی (بی این پی) نے بنگلا دیش کے پارلیمانی انتخابات میں کامیابی پر مبارکباد دینے اور نیک تمناؤں کے اظہار پر آصف علی زرداری کا شکریہ ادا کیا ہے۔
ہفتے کے روز سوشل میڈیا پلیٹ فارم ’ایکس‘ پر جاری اپنے بیان میں بی این پی نے کہا کہ پاکستان کی جانب سے موصول ہونے والا تہنیتی پیغام دونوں ممالک کے درمیان موجود تاریخی اور عوامی روابط کی عکاسی کرتا ہے۔
بیان میں کہا گیا کہ بنگلا دیش اور پاکستان کے تعلقات ایک مشترکہ تاریخ سے جڑے ہوئے ہیں، جس میں مختلف ادوار میں چیلنجز بھی رہے اور تعاون کے مواقع بھی۔ تاہم دونوں ممالک کے عوام نے ہمیشہ مکالمے، باہمی احترام اور علاقائی روابط کو ترجیح دی ہے۔
بی این پی نے اس امید کا اظہار کیا کہ آنے والے برسوں میں دونوں ملک تعمیری اور مثبت تعلقات کو مزید مضبوط بنائیں گے۔ بیان کے مطابق اقتصادی تعاون میں اضافہ، عوامی سطح پر روابط کا فروغ اور جنوبی ایشیا میں امن و خوشحالی کے لیے مشترکہ کوششیں وقت کی اہم ضرورت ہیں۔
سیاسی مبصرین کے مطابق ایسے سفارتی پیغامات خطے میں اعتماد سازی اور باہمی تعاون کے نئے دروازے کھولنے میں مددگار ثابت ہو سکتے ہیں۔
ذریعہ
ذریعہ: Daily Mumtaz
کلیدی لفظ: بی این پی
پڑھیں:
دعا گو ہیں جنگ کے خاتمے کیلئے فیلڈ مارشل کی کوششیں کامیاب ہوں، بلاول بھٹو
فوٹو: اسکرین گریب۔جیو نیوزچیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ دعا گو ہیں کہ جنگ کے خاتمے کےلیے فیلڈ مارشل کی کوششیں کامیاب ہوں۔
اسکردو میں پی پی پی کے جلسے سے خطاب میں بلاول بھٹو زرداری نے کہا کہ پچھلے الیکشن میں گلگت بلتستان کا دورہ کیا، جی بی کے اضلاع میں جتنا میں آیا ہوں اتنا کوئی اور سیاستدان نہیں آیا۔
انہوں نے کہا کہ ایران میں خامنہ ای کو شہید کیا گیا، ان حالات میں یہاں انتخابی مہم چلانا مناسب نہیں سمجھا۔
پی پی چیئرمین نے مزید کہا کہ دعا گو ہیں جنگ کے خاتمے کےلیے فیلڈ مارشل کی کوششیں کامیاب ہوں۔ امن کوششیں کامیاب ہونا ضروری ہے، ایران کے ساتھ دنیا بھر کے عوام جنگ کا بوجھ اٹھا رہے ہیں۔
اُن کا کہنا تھا کہ پیپلز پارٹی پسماندہ طبقے کی نمائندگی کرنے والی واحد سیاسی جماعت ہے، یہ کیسی معاشی پالیسی اور ترقی ہے کہ امیر، امیر تر ہو۔
بلاول بھٹو زرداری نے یہ بھی کہا کہ بینظیر انکم سپورٹ پروگرام (بی آئی ایس پی) اسلام آباد کا وہ واحد ادارہ ہے، جو ہر غریب کے گھر تک پہنچتا ہے۔
انہوں نے کہا کہ بی آئی ایس پی کے خلاف سیاسی جماعتوں کی سازشیں ناکام ہوں گی، بجٹ میں وزیراعظم بی آئی ایس پی کے فنڈز میں اضافے کا اعلان کریں گے۔
پی پی چیئرمین نے کہا کہ ایٹم بم ذوالفقار بھٹو اور میزائل ٹیکنالوجی شہید محترمہ بینظیر بھٹو نے دی، جی بی کو شمالی علاقہ جات کہا جاتا تھا، جی بی کو نام صدر زرداری نے دیا۔
وزارت آئی ٹی نے 1.67 ارب روپے سے زاید کے فنڈز طلب کرلیے