اسلام آباد: اپوزیشن دھرنا، پولیس نے صحافیوں کو کوریج سے روکا
اشاعت کی تاریخ: 14th, February 2026 GMT
اسلام آباد میں اپوزیشن رہنماؤں کا دھرنا خیبر پختونخوا ہاؤس کے گیٹ پر جاری ہے، تاہم پولیس نے صحافیوں کو دھرنے کی کوریج اور پی ٹی آئی رہنماؤں کے انٹرویوز سے روک دیا ہے۔
میڈیا کو ہاؤس کی طرف جانے سے روکنے کے حوالے سے ڈپٹی انسپکٹر جنرل (ڈی آئی جی) آپریشنز جواد طارق کا کہنا تھا کہ کسی صحافی کو انٹرویو کی اجازت نہیں دی جائے گی، اور اگر کوئی صحافی انٹرویو لینے کی کوشش کرے تو اس کا کیمرا بھی ضبط کیا جا سکتا ہے۔
ڈی آئی جی نے مزید کہا کہ گزشتہ روز کسی صحافی کو نہیں روکا گیا، لیکن آج ہمیں واضح ہدایات ملی ہیں کہ کسی بھی صحافی کو اندر جانے یا انٹرویو کرنے کی اجازت نہ دی جائے۔
واضح رہے کہ پاکستان تحریکِ انصاف (پی ٹی آئی) کا پارلیمنٹ میں دھرنا جاری ہے اور اپوزیشن قیادت بھی اس میں شریک ہے، جس کے باعث میڈیا کی کوریج میں رکاوٹ پیدا ہوئی ہے۔
ذریعہ
ذریعہ: Daily Mumtaz
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے