گوہر اعجاز نے ملکی معیشت کو چلانے کیلئے بھاری ٹیکسوں کو کم کرنے کی تجاویز دے دیں
اشاعت کی تاریخ: 14th, February 2026 GMT
سٹی 42 : سابق نگراں وفاقی وزیر گوہر اعجاز نے ملکی معیشت کو چلانے کے لیے بھاری ٹیکسوں کو کم کرنے کی تجاویز دے دیں۔ وزیر خزانہ محمد اورنگزیب سے ریئیل اسٹیٹ سیکٹر پر ٹیکس کم کرنے کا مطالبہ کردیا۔ تنخواہ دار طبقے کو ٹیکس ریلیف دینے اور سیلز ٹیکس کی شرح بھی کم کرنے کا مطالبہ کردیا۔
سابق نگراں وفاقی وزیر گوہر اعجاز نے فیڈریشن آف پاکستان چیمبرز آف کامرس لاہور میں تقریب سے خطاب کرتے ہوئے ملکی معیشت کو چلانے کے لیے ٹیکسوں کی شرح کو کم کرنے کا مطالبہ کر دیا ہے۔ گوہر اعجاز نے کہا کہ اس وقت گلاس ، سیمنٹ اور ٹائلز کی آدھی انڈسٹری بند پڑی ہوئی ہے ، پاکستان میں ایک کروڑ 20 لاکھ گھروں کی کمی ہے ، پاکستان میں 500 ارب ڈالرز کی ہاوسنگ انڈسٹری موجود ہے۔
بلال صدیق کمیانہ کی زیرِ صدارت اجلاس میں افسران کو اہم ہدایات
گوہر اعجاز نے وزیر خزانہ سے مطالبہ کیا کہ پراپرٹی کی خریدوفروخت پر ٹیکسز کو ختم کیا جائے، ہاوسنگ انڈسٹری ملکی معیشت کو پانچ فیصد کی گروتھ دے سکتی ہے ، اس سے ایک کروڑ لوگوں کو روزگار میسر آ سکتا ہے۔ انہوں نے کہا کہ ایف بی آر اس سال 14 ٹریلین روپے کا ٹیکس اکٹھا کرے گا ، یہ 12 فیصد ٹیکس ٹو جی ڈی پی ریشو ہے ، پاکستان کی ٹیکس ٹو جی ڈی پی ریشو 18 فیصد تک ہو سکتی ہے۔
گوہر اعجاز نے کہا کہ حکومت کو ٹیکسوں کو کم کرنا ہوگا، افراد اور ایسوسی ایشن آف پرسنز پر ٹیکس 45 فیصد سے کم کرکے 25 فیصد کیا جائے۔ کارپوریٹ ٹیکسز کو 60 فیصد سے کم کرکے 25 فیصد پر کیا جائے۔ سیلز ٹیکس کی شرح 18 فیصد سے کم کرکے 10 فیصد کی جائے۔ انہوں نے کہا کہ تنخواہ دار طبقے کا ٹیکس کم کر کے 10 فیصد کیا جائے۔
آج کے گوشت اور انڈوں کے ریٹس، ہفتہ 14فروری 2026
.
ذریعہ
ذریعہ: City 42
کلیدی لفظ: گوہر اعجاز نے ملکی معیشت کو نے کہا کہ کیا جائے فیصد کی
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا