یورپ خطے میں اپنا جغرافیائی وزن کھو چکا ہے، سید عباس عراقچی
اشاعت کی تاریخ: 14th, February 2026 GMT
اپنے ایک ٹویٹ میں ایرانی وزیر خارجہ کا کہنا تھا کہ ایک وقت تھا جب کبھی یورپ مذاکرات میں اہم فریق ہوا کرتا تھا مگر، اب صورتحال یہ ہے کہ وہ بالکل غیر موثر ہو چکا ہے۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" نے یورپ كی پسماندگی اور ناكارگی پر افسوس کرتے ہوئے كہا کہ عام طور پر ایک سنجیدہ اور معتبر سمجھی جانے والی میونخ سیکورٹی کانفرنس، ایران کے معاملے میں میونخ سرکس میں تبدیل ہو گئی ہے۔ یہ زوال اہم پیغامات رکھتا ہے۔ انہوں نے ان خیالات کا اظہار سوشل میڈیا پلیٹ فارم ایکس پر اپنے ٹویٹ میں کیا۔ جس میں انہوں نے لکھا کہ یورپی یونین پریشان نظر آتی ہے۔ اس پریشانی کی وجہ یہ ہے کہ وہ ایران کے اندر رونماء ہونے والی تبدیلیوں کو سمجھنے سے قاصر ہیں۔ سید عباس عراقچی نے کہا کہ تزویراتی نقطہ نظر سے، بے مقصد یورپی یونین نے، ہمارے خطے میں اپنا تمام جغرافیائی سیاسی وزن کھو دیا ہے۔
خاص طور پر جرمنی، اپنی علاقائی پالیسی مکمل طور پر اسرائیل کے حوالے کرنے میں پیش پیش ہے۔ انہوں نے کہا کہ کم از کم یہ کہا جا سکتا ہے کہ یورپ کی مجموعی سمت بہت تشویش ناک اور خطرناک ہے۔ سید عباس عراقچی نے ازخود یہ سوال ابھارا کہ عملی طور پر اس صورتحال کا کیا مطلب ہے؟۔ پھر اس کا جواب دیا کہ ایران کے جوہری پروگرام سے متعلق جاری مذاکرات میں یورپی یونین و یورپی مثلث کا مفلوج اور غیر اہم ہونا واضح طور پر نظر آتا ہے۔ ایک وقت تھا جب کبھی یورپ مذاکرات میں اہم فریق ہوا کرتا تھا مگر اب صورت حال یہ ہے کہ وہ بالکل غیر موثر ہو چکا ہے۔ اس کے برعکس، خطے میں ہمارے دوست اس ناکارہ اور پسماندہ یورپی ٹروئیکا سے کہیں زیادہ موثر و مفید کردار ادا کر رہے ہیں۔
ذریعہ
ذریعہ: Islam Times
کلیدی لفظ: سید عباس عراقچی ایران کے
پڑھیں:
امتحانی تنازعات پر کاکروچ جنتا پارٹی کے بانی نے بڑا اعلان کردیا
کاکروچ جنتا پارٹی کے بانی ابھیجیت دپکے نے بھارت کے دارالحکومت نئی دہلی میں 6 جون کو احتجاجی تحریک شروع کرنے کا اعلان کر دیا ہے۔
بھارتی میڈیا رپورٹس کے مطابق ابھیجیت دپکے نے کہا ہے کہ وہ 6 جون کو بھارت واپس آ کر دہلی کے جنتر منتر پر پرامن احتجاج کا آغاز کریں گے۔ ان کا مؤقف ہے کہ ملک میں مختلف امتحانی تنازعات کے باعث طلبہ کا مستقبل متاثر ہو رہا ہے، جس پر فوری طور پر ذمے داری طے کی جانی چاہیے۔
دپکے نے مطالبہ کیا ہے کہ نیٹ یو جی پیپر لیک، سی بی ایس ای، سی یو ای ٹی اور ایس ایس سی جی ڈی سمیت مختلف امتحانی بے ضابطگیوں کی ذمے داری قبول کرتے ہوئے مرکزی وزیر تعلیم دھرمیندر پردھان اپنے عہدے سے استعفیٰ دیں۔
ان کا دعویٰ ہے کہ امتحانی نظام میں ہونے والی مبینہ بے ضابطگیوں سے ایک کروڑ سے زائد طلبا متاثر ہوئے ہیں۔ انہوں نے ایک ویڈیو پیغام میں طلبا، نوجوانوں اور اپنے حامیوں سے اپیل کی ہے کہ وہ 6 جون کو دہلی میں ان کے احتجاج میں شریک ہوں۔
دپکے کے مطابق پیپر لیک اور دیگر تنازعات کے باعث طلبا شدید ذہنی دباؤ کا شکار ہوئے، کئی نوجوانوں کی محنت ضائع ہوئی اور بعض افسوسناک واقعات میں خودکشی جیسے سنگین نتائج بھی سامنے آئے۔ ان کا کہنا تھا کہ ایسے حالات میں ذمے داروں کا تعین ناگزیر ہو چکا ہے۔
انہوں نے یہ بھی دعویٰ کیا کہ وزیر تعلیم کے استعفے کے مطالبے پر اب تک 8 لاکھ سے زائد افراد دستخط کر چکے ہیں جبکہ لکھنؤ، جے پور، دہلی اور مہاراشٹر سمیت مختلف شہروں میں پہلے ہی احتجاجی مظاہرے کیے جا چکے ہیں۔
ان کا کہنا ہے کہ مسلسل ناکامیوں کے باوجود اگر احتساب نہ کیا گیا تو عوامی اعتماد مزید متاثر ہوگا اور طلبا بار بار نقصان اٹھاتے رہیں گے، جبکہ متعلقہ ادارے کسی مؤثر کارروائی سے گریز کر رہے ہیں۔
انہوں نے اعلان کیا کہ وہ دہلی پہنچ کر جنتر منتر پر احتجاج کی اجازت کے لیے حکام سے رابطہ کریں گے اور یہ احتجاج مکمل طور پر پرامن اور آئینی دائرے میں ہوگا۔
دپکے نے یہ بھی کہا کہ انہیں امریکا میں ملازمت کی پیشکش ہوئی تھی، تاہم انہوں نے بیرون ملک جانے کے بجائے بھارت واپس آ کر احتجاج کا فیصلہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ