طویل عرصے بعد بیٹوں کی آواز سن کر عمران خان بے حد خوش تھے، علیمہ خان
اشاعت کی تاریخ: 14th, February 2026 GMT
بانی چیئرمین پاکستان تحریک انصاف کے ہمشیرہ علیمہ خان نے کہا ہے کہ اپنے بیٹوں کی آواز طویل عرصے بعد سن کر عمران خان انتہائی خوش اور جذباتی دکھائی دیے۔
اپنے بیان میں علیمہ خان نے بتایا کہ چیف جسٹس پاکستان کی ہدایت پر عمران خان کی اپنے بیٹوں سے ٹیلیفون پر بات چیت ممکن ہو سکی۔ ان کے مطابق یہ گفتگو تقریباً بیس منٹ تک جاری رہی۔
انہوں نے کہا کہ عمران خان کے بیٹوں نے بتایا کہ طویل وقفے کے بعد والد کی آواز سن کر وہ خود بھی خوش ہوئے، جبکہ عمران خان بھی اس موقع پر بے حد مسرور تھے۔
علیمہ خان نے مزید کہا کہ اب خاندان کو عمران خان کی نجی اسپتال منتقلی کا انتظار ہے تاکہ ذاتی معالجین کی نگرانی میں ماہر ڈاکٹرز فوری طور پر ان کا معائنہ اور علاج کر سکیں۔
ان کا کہنا تھا کہ بروقت علاج میں تاخیر سے بینائی متاثر ہونے کا خدشہ موجود ہے، اس لیے مستقل نقصان سے بچاؤ کے لیے فوری اسپیشلسٹ کیئر ناگزیر ہے۔
ذریعہ
ذریعہ: Daily Mumtaz
کلیدی لفظ: علیمہ خان
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا