عمران خان کی اسپتال منتقلی سے متعلق خبروں پر پی ٹی آئی کا اظہار تشویش
اشاعت کی تاریخ: 14th, February 2026 GMT
پاکستان تحریک انصاف (پی ٹی آئی) نے اپنے بانی چیئرمین عمران خان کی صحت اور ان کی اڈیالہ جیل سے اسپتال ممکنہ منتقلی سے متعلق گردش کرنے والی خبروں پر شدید تشویش کا اظہار کیا ہے۔
یہ بھی پڑھیں: عمران خان کی اسپتال منتقلی کا فیصلہ، 2 رکنی میڈیکل ٹیم تشکیل، بہترین ڈاکٹرز سے علاج کروایا جائے گا، عطاتارڑ
پی ٹی آئی کے سیکریٹری اطلاعات شیخ وقاص اکرم کے ایکس پر شیئر کردہ ایک بیان میں پارٹی کا کہنا ہے کہ ایسی اطلاعات سامنے آ رہی ہیں جن کے مطابق عمران خان کو ان کے خاندان کو اعتماد میں لیے بغیر خفیہ طور پر علاج کی غرض سے اسپتال منتقل کرنے کی منصوبہ بندی کی جا رہی ہے۔ پارٹی کے مطابق ایسا کوئی بھی اقدام بنیادی انسانی حقوق اور مروجہ قانونی تقاضوں کی کھلی خلاف ورزی ہوگا۔
بیان میں واضح کیا گیا کہ عمران خان کو اہلخانہ اور معالجین کو مطلع کیے بغیر کسی مقام پر منتقل کرنا یا ان کی عدم موجودگی میں طبی معائنہ یا علاج شروع کرنا آئین پاکستان اور جیل قوانین کی سنگین خلاف ورزی تصور کی جائے گی جسے کسی صورت قبول نہیں کیا جائے گا۔
پی ٹی آئی نے سابق وزیر اعظم کی صحت سے متعلق کسی بھی قسم کی رازداری کو مسترد کرتے ہوئے کہا کہ ماضی کی طرح حقائق چھپانا ان کی صحت اور زندگی کو خطرے میں ڈالنے کے مترادف ہوگا۔
پارٹی نے مطالبہ کیا کہ عمران خان کا ہر قسم کا طبی معائنہ اور علاج ان کے ذاتی معالجین اور خاندان کے کم از کم ایک فرد کی موجودگی میں فوری طور پر یقینی بنایا جائے۔
مزید پڑھیے: اٹک پل سمیت خیبر پختونخوا کے تمام اہم راستے بند، عمران خان کے علاج کے لیے پی ٹی آئی کا احتجاج جاری
بیان میں مزید کہا گیا کہ علاج کا عمل پارٹی کے تجویز کردہ معتبر ڈاکٹروں اور اسپتال کی زیر نگرانی آزادانہ طور پر انجام دیا جائے اور کسی بھی خفیہ یا یکطرفہ اقدام کے نتائج کی مکمل ذمہ داری حکومت پر عائد ہوگی۔
پی ٹی آئی نے اس امر پر بھی افسوس کا اظہار کیا کہ 2 دن گزرنے کے باوجود سپریم کورٹ کی جانب سے تحریری احکامات جاری نہیں کیے گئے۔ پارٹی نے امید ظاہر کی کہ چیف جسٹس انسانی ہمدردی کی بنیاد پر فوری علاج کے احکامات جاری کریں گے۔
مزید پڑھیں: عمران خان کی صحت کے معاملے پر کسی کو سیاست نہیں کرنے دوں گا، سہیل آفریدی نے واضح کردیا
آخر میں پارٹی نے خبردار کیا کہ اگر عمران خان کی سلامتی یا صحت کو کوئی نقصان پہنچا تو اس کی ذمہ داری موجودہ وفاقی و صوبائی حکومت اور انتظامیہ پر ہوگی اور بانی چیئرمین کی صحت کے معاملے پر کوئی سمجھوتہ نہیں کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف ترجمان پی ٹی آئی شیخ وقاص اکرم عمران خان کی اسپتال منتقلی کا فیصلہ عمران خان کی صحت.
ذریعہ
ذریعہ: WE News
کلیدی لفظ: پاکستان تحریک انصاف ترجمان پی ٹی ا ئی شیخ وقاص اکرم عمران خان کی اسپتال منتقلی کا فیصلہ عمران خان کی صحت عمران خان کی پی ٹی آئی ان کی صحت
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار