جماعت اسلامی کا کراچی میں پولیس تشدد کیخلاف آج ملک گیر احتجاج کا اعلان
اشاعت کی تاریخ: 15th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
امیر جماعت اسلامی حافظ نعیم الرحمن نے سندھ اسمبلی کے باہر جماعت اسلامی کے کارکنوں پر پولیس تشدد کے خلاف آج ملک گیر احتجاج کا اعلان کردیا۔
ادارہ نورِ حق کراچی میں پریس کانفرنس سے خطاب کرتے ہوئے حافظ نعیم الرحمن نے کہا کہ جماعت اسلامی کے 50 کارکن لاپتا ہیں، جبکہ آج کراچی میں دس مقامات پر دھرنے دیے جائیں گے۔ انہوں نے کہا کہ جماعت اسلامی عوام کے حقوق کے لیے جدوجہد کر رہی ہے اور میدان نہیں چھوڑے گی۔
انہوں نے کہا کہ پوری دنیا کے سامنے پاکستان پیپلز پارٹی کا جبر بے نقاب ہوچکا ہے۔ ان کے بقول پرامن مظاہرین پر حملہ کیا گیا، نہتے افراد پر ہزاروں آنسو گیس شیل فائر کیے گئے اور مسجد پر بھی شیلنگ کی گئی، جبکہ ایک مقام پر آگ بھی لگی۔
حافظ نعیم الرحمن نے کہا کہ خواتین اور بچے بھی زہریلی گیس سے متاثر ہوئے اور استعمال کیے گئے آنسو گیس شیل زائد المیعاد تھے۔ انہوں نے کہا کہ بزرگوں نے بھی آج جوانوں کی طرح احتجاج کیا۔ ان کا کہنا تھا کہ جب عوام نکلیں گے تو مسائل حل ہوں گے اور وہ قابض نظام کے خلاف جدوجہد جاری رکھیں گے۔
انہوں نے مزید کہا کہ پورے پاکستان میں احتجاج کیا جائے گا اور کراچی کے لوگ تنہا نہیں ہیں۔ ان کے مطابق حکومت سندھ نے ہزاروں ارب روپے ہڑپ کرلیے، شہری ٹینکروں کے نیچے آکر جانیں گنوا رہے ہیں، گل پلازہ کی آگ پر قابو نہیں پایا جاسکا، سڑکیں ٹوٹی ہوئی ہیں اور بچے گٹروں میں گر رہے ہیں۔ انہوں نے کہا کہ یہ مافیا پرامن مظاہروں کو بھی کچل دیتا ہے۔
امیر جماعت اسلامی نے کہا کہ ریڈ لائن اور کریم آباد انڈر پاس کے معاملے پر حکومت کی نااہلی عیاں ہے۔ ان کے بقول کراچی بدترین حالات کے باوجود سب سے زیادہ ٹیکس دیتا ہے، مگر شہریوں کو پرسکون زندگی میسر نہیں۔
جماعت اسلامی کراچی کے امیر منعم ظفر نے کہا کہ کارکنوں پر پانچ سال پرانے زہریلے آنسو گیس شیل استعمال کیے گئے اور متعدد کارکن زخمی ہوئے۔ انہوں نے کہا کہ پیپلز پارٹی نے آئینی جدوجہد کو روکنے کی کوشش کی ہے۔
ذریعہ
ذریعہ: Jasarat News
کلیدی لفظ: انہوں نے کہا کہ جماعت اسلامی
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
وزارت آئی ٹی نے 1.67 ارب روپے سے زاید کے فنڈز طلب کرلیے