دھرنا جاری: بانی پی ٹی آئی کا طبی معائنہ، حکومت نے میڈیکل پینل تشکیل دیدیا
اشاعت کی تاریخ: 15th, February 2026 GMT
راولپنڈی (اپنے سٹاف رپورٹر سے+ نمائندہ خصوصی+ نوائے وقت رپورٹ) بانی پی ٹی آئی کو اڈیالہ جیل سے ہسپتال منتقل کرنے کے معاملہ پر حکومت نے دو آئی سپیشلسٹس پر مشتمل پینل تشکیل دے دیا، پینل میں ڈاکٹر ندیم قریشی اور ڈاکٹر امجد شامل ہیں۔ ذرائع کے مطابق ڈاکٹر ندیم قریشی ہیڈ آف ریٹینا الشفا آئی ہسپتال ہیں۔ ڈاکٹر امجد آئی سپیشلسٹ الشفا آئی ہسپتال ہیں‘ ذرائع کے مطابق دونوں ڈاکٹر عالمی شہرت یافتہ ڈاکٹرز ہیں تاہم یہ کہنا قبل از وقت ہے بانی پی ٹی آئی کو الشفا آئی ہسپتال منتقل کیا جائے گا۔ دریں اثناء میڈیکل پینل کا بانی پی ٹی آئی کے طبی معائنہ کے لئے جیل آمد کا امکان ہے۔ میڈیکل بورڈ کی سفارش کی روشنی میں ہسپتال منتقل کیا جائے گا۔ میڈیکل بورڈ ہسپتال منتقلی کے لئے مناسب ہدایات بھی دے گا۔ علاوہ ازیں اڈیالہ جیل حکام نے بانی کی بیٹوں سے بات کرانے کی تصدیق کی اور کہا ہے کہ سپریم کورٹ کے احکامات پر بانی کی بچوں سے بات کرا دی گئی۔ جیل حکام کے مطابق بانی پی ٹی آئی نے 20 منٹ سے زائد وقت تک بچوں سے بات کی۔ علیمہ خان ’’ایکس‘‘ پر جاری بیان میں ان کا کہنا تھا کہ ہم اس بات کی تصدیق کر سکتے ہیں کہ عمران خان نے اپنے بچوں کے ساتھ تقریباً 20 منٹ تک بات کی، ان کے بیٹوں نے بتایا کہ اتنے عرصے بعد ان کی آوازیں سن کر وہ بے حد خوش ہیں۔ علی امین گنڈا پور نے عمران خان کی صحت کے بارے میں تشویش کا اظہار کرتے ہوئے علاج کے لئے اقدامات کا مطالبہ کیا اور کہا کہ اس کے لئے دھرنے کو بڑھا نہیں دیا ہے جب تک مسئلے کا حل نہیں نکلتا تب تک ہم بیٹھے ہیں۔ دریں اثناء قومی اسمبلی میں اپوزیشن لیڈر محمود خان اچکزئی نے کہا ہے کہ سپریم کورٹ میں بانی کی صحت سے متعلق جو رپورٹ آئی ہے وہ خطرناک ہے۔ رپورٹ میں کہا گیا ہے بانی پی ٹی آئی کی آنکھ 80 فیصد ضائع ہو گئی ہے۔ انہوں نے کہا کہ اپوزیشن کے سیکڑوں ارکانِ اسمبلی اور سینیٹرز احتجاج کریں گے۔ دوسری جانب اپوزیشن ارکانِ پارلیمنٹ کا دھرنا دوسرے روز بھی جاری رہا۔ تحریکِ تحفظِ آئینِ پاکستان اور پی ٹی آئی قیادت پارلیمنٹ میں موجود رہے جن محمود اچکزئی، بیرسٹرگوہر، اسد قیصر، علامہ ناصرعباس و دیگر قائدین شامل تھے۔ دیگر رہنماؤں میں پی ٹی آئی کے سیکرٹری جنرل سلمان اکرم راجہ، شاہرام تراکئی، سیف اللہ خان نیازی، شاندانہ گلزار، بشیر خان، فیصل امین گنڈا پور، علی جدون بھی پارلیمنٹ ہاؤس دھرنے میں موجود تھے۔ دریں اثناء وزیراعلیٰ خیبر پی کے سہیل آفریدی نے کہا ہے کہ عمران خان کی صحت پر خود سیاست کروں گا اور نہ کسی کو کرنے دوں گا۔ ایکس پر اپنے پیغام میں وزیراعلی کے پی نے کہا کہ میرے پاکستانیو! عمران خان کی صحت میرے لیے سیاست سے بڑھ کر اور علاج مقدم ہے۔ پوری قوم میں عمران خان کے لیے بے انتہا محبت کی وجہ سے جو اس وقت غم اور غصہ پایا جا رہا ہے اس کا مجھے بخوبی احساس ہے، لیکن اس کو ہم نے اپنی کمزوری نہیں اپنی طاقت بنانا ہے۔ انہوں نے کہا کہ چیف جسٹس سپریم کورٹ کے حکم کے مطابق ان کا علاج 16 فروری تک ہوجانا چاہیے۔ دریں اثناء پی ٹی آئی کے سیکرٹری جنرل سلمان اکرم راجہ نے کہا ہے کہ بانی پی ٹی آئی کا ٹھیک علاج ہونا ان کا حق ہے اس میں دیر نہیں ہونی چاہئے دریں اثناء مصطفیٰ نواز کھوکھر نے بانی پی ٹی آئی کو علاج کیلئے فوری ہسپتال منتقل کرنے کا مطالبہ کر دیا کہا کہ قومی اسمبلی اور سینٹ میں اپوزیشن لیڈر پارلیمان کے اندر محصور ہیں۔ پارلیمنٹ لاجز کو تالے لگا کر بند کر دیا گیا۔ خیبر پی کے ہاؤس میں بھی یہی صورتحال ہے علاوہ ازیں پاکستان بار کونسل اور اسلام آباد بار کونسل کی جانب سے بانی پی ٹی آئی کی صحت پر اظہارِ تشویش کیا گیا۔ پاکستان بار کونسل کے وائس چیر مین پیر محمد مسعود چشتی اور منیر احمد ملک کی جانب سے جاری اعلامیہ میں کہاگہا ہے کہ جیل حکام کی مبینہ غفلت پر بار کونسل تشویش کا اظہار کرتی ہے، بانی پی ٹی آئی کی صحت کو سنجیدہ نہ لینا افسوسناک بات ہے۔ وفاقی حکومت فوری طبی معائنے کو یقینی بنائے،آنکھ کے مسئلے کا ماہر ڈاکٹروں سے معائنہ کرایا جائے۔ اسلام آباد بار کونسل نے بھی سہولیات فراہم کرنے کا کہا ہے بیرسٹر سلمان صفدر نے کہاکہ اسلام آباد ہائیکورٹ میں چوتھی مرتبہ اپیلیں فائل کی ہیں، درخواستیں بانی پی ٹی آئی اور بشریٰ بی بی کی جانب سے دائر کی گئی ہیں، رمضان المبارک میں عدالتیں زیادہ تر ضمانتیں ہی سنتی ہیں،گزشتہ ایک سال سے کوئی درخواست سماعت کے لئے نہیں لگی، چیف جسٹس سے ملاقاتیں کیں۔ رجسٹرار کو درخواست کی، ہماری درخواستیں سماعت کے لئے مقرر نہیں ہوئیں، القادر ٹرسٹ کو ایک سال سے زائد ہو گیا، سماعت کے لئے مقرر نہیں ہوا، خط وکتابت کے ذریعے کوشش کی، اس کو بھی دو ماہ ہو گئے، کوئی درخواست سماعت کے لئے نہیں لگی، ہم نے میڈیکل گراؤنڈز کی روشنی میں درخواستیں دائر کی ہیں، درخواستیں اگلے ہفتے سماعت کے لئے مقرر کرنے کی درخواست کی ہے، علاوہ ازیں ترجمان پی ٹی آئی نے کہا ہے کہ خاندان اور ذاتی معالجین کو اعتماد میں لئے بغیر بانی پی ٹی آئی کی ہسپتال منتقلی قبول نہیں بانی پی ٹی آئی کا بھی معائنہ خاندان کے کم از کم ایک فرد کی موجودگی میں کیا جائے۔ ذاتی ڈاکٹرز کی عدم موجودگی میں بانی پی ٹی آئی کا کوئی علاج شروع نہ کیا جائے۔ بانی پی ٹی آئی کی محنت سے متعلق رازداری مسترد کرتے ہیں۔ خفیہ یا یکطرفہ اقدام کے نتائج کی ذمہ داری حکومت پر ہو گی۔ سپریم کورٹ کے تحریری احکامات میں تاخیر پر تشویش ہے۔ انسانی ہمدردی کی بنیاد پر فوری علاج یقینی بنایا جائے، علاج میں تاخیر غیر انسانی اور افسوسناک ہے۔ بانی پی ٹی آئی کی صحت پر کوئی سمجھوتہ نہیں کر سکتے یکطرفہ طبی معائنہ بنیادی انسانی حقوق اور جیل قوانین کی خلاف ورزی ہے۔
.
ذریعہ
ذریعہ: Nawaiwaqt
کلیدی لفظ: بانی پی ٹی آئی کا بانی پی ٹی ا ئی ہسپتال منتقل سماعت کے لئے نے کہا ہے کہ دریں اثناء سپریم کورٹ بار کونسل کے مطابق کیا جائے کی صحت کہا کہ
پڑھیں:
بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی;سہیل آفریدی
سٹی 42:وزیر اعلیٰ کے پی کے نے کہا بانی پی ٹی آئی نے جیل سے وزیر اعلی کی تبدیلی کا فیصلہ کیا تھا،بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی۔جب تک اڈیالہ جیل سے پیغام نہیں آتا میں ہی وزیر اعلی رہوں گا،کے پی کے کی حکومت کو بانی پی ٹی آئی کے علاوہ کوئی ختم نہیں کرسکتا
وزیر اعلی خیبرپختونخوا سہیل آفریدی نے فیکٹری ناکہ پر میڈیا ٹاک کرتے ہوئے کہا بانی پی ٹی آئی نے جیل سے وزیر اعلی کی تبدیلی کا فیصلہ کیا تھا،بانی پی ٹی آئی نے مجھے وزیر اعلی نامزد کیا کوئی طاقت مجھے نہیں ہٹا سکتی۔جب تک اڈیالہ جیل سے پیغام نہیں آتا میں ہی وزیر اعلی رہوں گا،کے پی کے کی حکومت کو بانی پی ٹی آئی کے علاوہ کوئی ختم نہیں کرسکتا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
انہوں نے کہا ہمارے تمام ایم پی ایز تحریک انصاف کے جھنڈے تلے متحد ہیں،آنے والے بجٹ میں ایک بار پھر عوام کا خون چوسا جائے گا ۔ستانوے ہزار ارب روپے تک پاکستان کے اندرونی اور بیرونی قرضے پہنچ چکے ہیں ۔ٹیکس وصولی کے حدف سے کم ٹیکس وصول ہوا ہے ۔پہلے 5 کو بجٹ پیش کرنا تھا اب 10 کو پیش کریں گے ۔کچھ لے دے کر یہ لوگ بجٹ کو پاس کر دے گے۔بجٹ کا سارا بوجھ عوام پر پڑنے والا ہے ۔تمام صحافیوں، سوشل میڈیا کے نمائندوں سے گزارش ہے آپ نے اس مہینے صرف بجٹ پر بات کرنی ہے
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
آپ نے دنیا کو بتانا ہے کہ پاکستان کے قرضے ستانوے ہزار ارب روپے تک پہنچ چکے ہیں ۔ہمارا تجارتی خسارہ دن بدن بڑھتا جارہا ہے ۔ہمارا کاروباری طبقہ انڈسٹری بند کر کے اپنی انویسٹمنٹ باہر لے کر جاریا ہے ۔ہمارا کسان ایگریکلچر میں تباہ حال ہیں ۔مہنگائی دن بدن بڑھتی جارہی ہے پیٹرول کی قیمت بڑھتی جارہی ہے۔ان کے پاس نہ کوئی فارن پالیسی ہے نہ کوئی اکنامک نہ کوئی انٹیریر پالیسی ہے ۔کے پی کے حکومت نے اپنی کابینہ سے متوازن بجٹ پاس کروالیا ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
ہم نے عوام دوست بجٹ دینا ہے جو عوام کا حق ہے ۔بانی پی ٹی آئی کے ویژن کے مطابق ہمارا فوکس صحت، تعلیم، یوتھ ، زراعت اور فارسٹ پر ہے ۔اس بجٹ میں مینارٹی کے لیے بہت کچھ لے کر آرہے ہیں ۔وفاقی بجٹ کا اثر کے پی کے سمیت پورے پاکستان پر پڑے گا۔بانی پی ٹی آئی کو غیر آئینی طریقے سے ائسولیٹ کیا ہوا ہے ۔ہمارا یہاں آنے کا مقصد ایک ہی ہے کہ بانی کو الشفاء انٹرنیشنل اسپتال منتقل کیا جائے ۔ان کی فیملی اور ذاتی ڈاکٹر کی موجودگی میں ان کا علاج کیا جائے ۔
آزاد کشمیر:تعلیمی اداروں میں گرمیوں کی چھٹیوں کا اعلان
بانی کی فیملی کو ملاقات نہیں کرنے دیں رہے اس کا مطلب یہ کچھ کرنا چارہے ہے ۔اگر یہ کہہ رہے ہیں کہ بانی کا بہترین علاج کررہے ہیں تو فیملی کو کیوں ملنے نہیں دے رہے ۔ہم پچھلی بار ملنے آئے تو انہوں نے کشمیر ہائی وے پر روکا اور 11 گھنٹے تک عوام کو اذیت میں ڈالا ۔فیملی تو غیر سیاسی ہے مل کر بتا دیں گی کہ بانی کی طبیعت کیسی ہے،
وزیر اعلیٰ کے پی سہیل آفریدی نے بجٹ پاس کرنے کی بات کی تو علیمہ خان نے اسے ٹوک دیا۔علیمہ خان نے سہیل آفریدی خیبرپختونخوا کا بجٹ پاس کرنے پر تنبیہہ کرتے ہوئے کہا آپ بجٹ پاس کیوں کر رہے ہیں ۔ ان سے کہیں پہلے میری ملاقات کرائیں ۔ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
آپ آج بھی ان سے کہیں بجٹ سے پہلے بانی سے ملاقات کرائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ