آرمی چیف فیلڈ مارشل سید عاصم منیر کی جرمنی میں امریکی وزیر خارجہ سے ملاقات، علاقائی و عالمی سلامتی پر تبادلہ خیال
اشاعت کی تاریخ: 15th, February 2026 GMT
فیلڈ مارشل سید عاصم منیر چیف آف ڈیفنس فورسز نے ہفتہ کے روز جرمنی میں منعقدہ 62ویں میونخ سیکیورٹی کانفرنس کے موقع پر امریکی وزیر خارجہ مارکو روبیو سے ملاقات کی، جس میں علاقائی و عالمی سیکیورٹی اور انسداد دہشت گردی تعاون پر تفصیلی تبادلہ خیال کیا گیا۔
پاک فوج کے شعبۂ تعلقاتِ عامہ (آئی ایس پی آر) کے مطابق ملاقات میں باہمی دلچسپی کے امور، بدلتی ہوئی سیکیورٹی صورتحال اور انسداد دہشت گردی کے اقدامات پر گفتگو ہوئی۔
یہ بھی پڑھیے: فیلڈ مارشل عاصم منیر کا دورہ سعودی عرب، وزیر دفاع شہزادہ خالد بن سلمان سے ملاقات
آرمی چیف 12 سے 14 فروری تک جرمنی کے دورے پر رہے جہاں انہوں نے سالانہ سیکیورٹی فورم کے موقع پر مختلف اہم ملاقاتیں کیں۔
فیلڈ مارشل سید عاصم منیر نے جرمن حکام کے علاوہ برازیل اور لبنان کی عسکری قیادت سے بھی ملاقاتیں کیں، جن میں معاصر سیکیورٹی چیلنجز، دوطرفہ دفاعی تعاون اور دو و کثیرالجہتی مکالمے کے ذریعے عالمی امن و استحکام کے فروغ پر زور دیا گیا۔
جرمن حکام سے ملاقاتوں کے دوران آرمی چیف نے الیگزینڈر ڈوبرینڈ، جرمنی کے وفاقی وزیر داخلہ، جو جرمن چانسلر کے خارجہ و سلامتی پالیسی کے مشیر ہیں، اور کرسٹین بریئور، چیف آف ڈیفنس، وفاقی مسلح افواج جرمنی سے بھی ملاقات کی۔
آئی ایس پی آر کے بیان کے مطابق ان ملاقاتوں میں موجودہ سیکیورٹی صورتحال، دوطرفہ دفاعی تعاون اور عالمی امن کے فروغ کے لیے باہمی روابط بڑھانے پر زور دیا گیا۔
یہ بھی پڑھیے: ’کردار، جرات اور قابلیت‘ پاک فوج کی بنیادی اقدار ہیں، چیف آف ڈیفنس فورسز سید عاصم منیر
مزید برآں، آرمی چیف نے برازیل کی مسلح افواج کے جوائنٹ اسٹاف کے سربراہ سے بھی ملاقات کی، جس میں دوطرفہ عسکری تعاون کو مزید مضبوط بنانے پر بات چیت کی گئی۔
لبنان کی مسلح افواج کے کمانڈر روڈولف ہیکال نے بھی آرمی چیف سے ملاقات کی۔ آئی ایس پی آر کے مطابق اس موقع پر عالمی و علاقائی سیکیورٹی صورتحال اور دفاعی تعاون میں اضافے کے اقدامات پر تبادلہ خیال کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: فیلڈ مارشل سے ملاقات ملاقات کی آرمی چیف
پڑھیں:
دعا ہے فیلڈ مارشل امن کی کوششوں میں کامیاب ہوجائیں: بلاول بھٹو زرداری
گلگت: پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں. امن کی کوششوں کا کامیاب ہونا ضروری ہے۔گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔ان کا کہنا تھا کہ ملک بھر میں کوئی سیاست دان نہیں. جس نے میری طرح ملک بھر کے دورے کیے ہوں. میں گلگت بلتستان کی ہر تحصیل میں پہنچا ہوں. گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے.
قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔چیئرمین پی پی کا کہنا تھا کہ انہیں کون سمجھائے کہ بھٹو کے 70ء کے دور میں کیے گئے ایک سروے کے مطابق یہاں سے پچاس ہزار میگا واٹ تک بجلی پیدا کی جاسکتی ہے اور یہاں ایک پروفیسر یہ کہہ کر خوش ہورہا ہے کہ یہاں سو میگا واٹ بجلی دینا میرے داہنے ہاتھ کا کام ہے، اگر داہنے ہاتھ کا کام ہے تو کیا کیوں نہیں؟ ہم پبلک پرائیویٹ پارٹنر شپ کے ذریعے اپنی بجلی پیدا کریں گے اور اسلام کو فروخت کریں گے.پروفیسر کو فروخت کریں گے۔انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
وزارت آئی ٹی نے 1.67 ارب روپے سے زاید کے فنڈز طلب کرلیے