عمران خان کی آنکھوں کا اڈیالہ جیل میں طبی معائنہ مکمل، میڈیکل ٹیم واپس روانہ
اشاعت کی تاریخ: 15th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
راولپنڈی : بانی پی ٹی آئی عمران خان کا ماہر ڈاکٹروں کی نگرانی میں اڈیالہ جیل میں طبی معائنہ مکمل کر لیا گیا، جس کے بعد ڈاکٹروں کی ٹیم واپس روانہ ہو گئی۔
ذرائع کے مطابق سینئر ڈاکٹروں پر مشتمل طبی ٹیم نے ان کی آنکھوں کا تفصیلی معائنہ کیا۔ ڈاکٹروں نے تقریباً ایک گھنٹے تک جیل میں رہ کر مختلف طبی معائنے کیے۔ ٹیم میں ڈاکٹر فاروق، ڈاکٹر سکندر اور ڈاکٹر عارف شامل تھے، جبکہ آنکھوں کے معائنے کے خصوصی آلات بھی ساتھ لائے گئے تھے۔ ٹیم کے ہمراہ ٹیکنیشن بھی موجود تھے۔
ذرائع کا کہنا ہے کہ طبی معائنے کی رپورٹ آج ہی مرتب کیے جانے کا امکان ہے اور مکمل رپورٹ حکومت کو پیش کی جائے گی۔
مزید بتایا گیا ہے کہ طبی ٹیم نے جیل میں تقریباً ڈھائی گھنٹے تک پی ٹی آئی قیادت کا انتظار کیا، تاہم کسی رہنما کی آمد نہ ہونے پر ڈاکٹروں نے معائنہ مکمل کیا۔
یاد رہے کہ عدالت عظمیٰ نے 16 فروری سے قبل بانی پی ٹی آئی کے طبی معائنے کی رپورٹ طلب کر رکھی ہے۔ سپرنٹنڈنٹ اڈیالہ جیل کے مطابق رپورٹ جلد تیار کر لی جائے گی۔
ذریعہ
ذریعہ: Jasarat News
کلیدی لفظ: جیل میں
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا