پرامن احتجاج پر کریک ڈاؤن، گرفتار کارکنان پر دہشت گردی دفعات کا اندراج قابل مذمت قرار
اشاعت کی تاریخ: 15th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی : کے ایم سی اپوزیشن لیڈر اور جماعت اسلامی کراچی کے نائب امیر سیف الدین ایڈووکیٹ نے کہا ہے کہ سندھ اسمبلی کے باہر جماعت اسلامی کے پُرامن احتجاج کو روکنے کے لیے پولیس کی جانب سے طاقت کے استعمال اور کارکنان کی گرفتاری جمہوری اقدار کے منافی ہے۔
سٹی کورٹ میں ضلع جنوبی کے اسپیشل مجسٹریٹ کے روبرو گرفتار کارکنان کی پیشی کے موقع پر میڈیا سے گفتگو کرتے ہوئے کے ایم سی اپوزیشن لیڈرنے کہا کہ سندھ حکومت نے نہتے اور پُرامن کارکنان کے خلاف دہشت گردی کی دفعات لگا کر سیاسی انتقام کی مثال قائم کی ہے، گرفتار افراد دراصل صوبائی حکومت کی مبینہ کرپشن اور کراچی میں جاری سنگین شہری مسائل کے خلاف اپنا آئینی و جمہوری حق استعمال کر رہے تھے لیکن ان کے خلاف سخت دفعات شامل کر کے انہیں مجرم ثابت کرنے کی کوشش کی گئی۔ سیف الدین ایڈووکیٹ نے الزام عائد کیا کہ طاقت کا بے جا استعمال کرتے ہوئے پولیس نے شدید شیلنگ اور لاٹھی چارج کیا جس کے نتیجے میں کم از کم چار کارکنان زخمی ہوئے۔
انہوں نے مزید کہا کہ پولیس کارروائی کے دوران دو مساجد پر بھی شیلنگ کی گئی، جس سے ایک مسجد میں آگ بھڑک اٹھی، اور آگ بجھانے کے لیے آنے والے فائر بریگیڈ عملے کو بھی نشانہ بنایا گیا، جس سے ایک فائر مین زخمی ہوا، عدالت سے درخواست کی گئی ہے کہ زخمی کارکنان کو فوری طور پر اسپتال منتقل کیا جائے اور گرفتار افراد کو رہا کیا جائے۔
انہوں نے پیپلز پارٹی کی صوبائی حکومت پر تنقید کرتے ہوئے کہا کہ اگر غیر قانونی گرفتاریاں اور طاقت کا استعمال جاری رہا تو حالات مزید خراب ہو سکتے ہیں، جماعت اسلامی ایک منظم اور پُرامن سیاسی جماعت ہے جو آئینی دائرے میں رہتے ہوئے جدوجہد پر یقین رکھتی ہے۔
سیف الدین ایڈووکیٹ نے بتایا کہ حافظ نعیم الرحمن کی اپیل پر ملک بھر میں احتجاج کیا گیا جبکہ کراچی میں منعم ظفر خان کے اعلان کے مطابق مرکزی شاہراہوں سمیت دس مقامات پر دھرنے دیے گئے، حکومت کی جانب سے رکاوٹیں کھڑی کرنے کے باوجود کارکنان نے پُرامن انداز میں احتجاج جاری رکھا۔
پیشی کے موقع پر توفیق الدین صدیقی اور محمد فاروق بھی موجود تھے، جنہوں نے کارکنان کے ساتھ اظہار یکجہتی کرتے ہوئے مطالبہ کیا کہ تمام مقدمات فوری ختم اور گرفتار افراد کو رہا کیا جائے۔
ذریعہ
ذریعہ: Jasarat News
کلیدی لفظ: کرتے ہوئے
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے