’بی ڈی کرک ٹائم‘ بنگلہ دیش کا پہلا سرکاری طور پر رجسٹرڈ کرکٹ نیوز پورٹل بن گیا
اشاعت کی تاریخ: 15th, February 2026 GMT
کرکٹ سے متعلق خبروں کا ڈیجیٹل پلیٹ فارم بی ڈی کرک ٹائم ’ BDCricTime‘ باضابطہ طور پر بنگلہ دیش کا پہلا سرکاری طور پر رجسٹرڈ کرکٹ نیوز پورٹل بن گیا۔
میڈیا رپورٹس کے مطابق ’بی ڈی کرکٹ ٹائم‘ وزارت اطلاعات و نشریات سے رجسٹریشن حاصل کرنے میں کامیاب ہوگیا ہے۔
مزید پڑھیں: آئی سی سی کے فیصلوں کی وجہ سے کرکٹ میں بڑھتی ہوئی تقسیم پر بنگلہ دیش کرکٹ بورڈ کی تشویش
یہ منظوری 9 فروری 2026 کو دی گئی، جو اس ڈیجیٹل پلیٹ فارم کے لیے ایک اہم سنگِ میل ہے۔ بی ڈی کرک ٹائم گزشتہ ایک دہائی سے زیادہ عرصے سے ملکی اور بین الاقوامی کرکٹ کی کوریج کر رہا ہے۔
2011 میں مدیر اعلیٰ محمد جابید علی کی قیادت میں قائم ہونے والا یہ پلیٹ فارم ابتدا میں سوشل میڈیا پر کرکٹ پیج کے طور پر شروع ہوا تھا، جو بعد ازاں بتدریج ایک مکمل ڈیجیٹل نیوز پلیٹ فارم میں تبدیل ہو گیا۔
2014 میں نمایاں توسیع کے بعد اس ادارے نے مختلف سوشل میڈیا چینلز پر اپنی موجودگی مضبوط کی، جس سے بنگلہ دیشی کرکٹ شائقین کے درمیان اس کی مقبولیت میں تیزی سے اضافہ ہوا۔
ادارے نے تیز رفتار، مستند اور قابلِ اعتماد کرکٹ خبریں فراہم کر کے ایک مضبوط اور وفادار ناظرین کی بنیاد قائم کی۔
حال ہی میں اس کے فیس بک پر فالوورز کی تعداد ایک کروڑ سے تجاوز کر گئی جبکہ یوٹیوب پر 10 لاکھ سے زیادہ سبسکرائبرز ہو چکے ہیں، جو ملک کے ڈیجیٹل اسپورٹس میڈیا میں اس کے بڑھتے ہوئے اثر و رسوخ کی عکاسی کرتا ہے۔
پسِ پردہ ایک متحرک ٹیم درستگی اور صحافتی معیار کو برقرار رکھتے ہوئے بریکنگ نیوز اور تفصیلی کرکٹ رپورٹنگ کو یقینی بناتی ہے۔
بنگلہ دیش کرکٹ بورڈ کے صدر امین الاسلام نے ’بی ڈی کرک ٹائم‘ کو سرکاری رجسٹریشن حاصل کرنے پر مبارکباد دی۔
انہوں نے کہاکہ وزارتِ اطلاعات کی جانب سے رجسٹریشن ایک قابلِ تحسین اقدام ہے اور امید ظاہر کی کہ آن لائن میڈیا سے وابستہ دیگر ادارے بھی باقاعدہ رجسٹرڈ ہوں گے۔
ان کا کہنا تھا کہ ’بی ڈی کرک ٹائم‘ نے ملکی اور بین الاقوامی سطح پر کرکٹ کے فروغ میں مثبت کردار ادا کیا ہے اور وہ اس کی کامیابی پر فخر محسوس کرتے ہیں۔
مزید پڑھیں: بنگلہ دیش کرکٹ بورڈ کا میرپور اسٹیڈیم میں میڈیا رسائی پر نئی پابندیوں کا اعلان
مدیرِ اعلیٰ محمد جابید علی نے کہاکہ یہ رجسٹریشن ایک دہائی سے زیادہ عرصے پر محیط ذمہ دارانہ کرکٹ صحافت کا باقاعدہ اعتراف ہے۔
ان کے مطابق ادارہ مستقبل میں بھی حقائق پر مبنی اور مثبت صحافت کے ذریعے بنگلہ دیش کرکٹ کی ترقی میں اپنا کردار ادا کرتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بنگلہ دیش بی ڈی کرک ٹائم ڈیجیٹل پلیٹ فارم وی نیوز.
ذریعہ
ذریعہ: WE News
کلیدی لفظ: بنگلہ دیش بی ڈی کرک ٹائم ڈیجیٹل پلیٹ فارم وی نیوز بنگلہ دیش کرکٹ بی ڈی کرک ٹائم پلیٹ فارم
پڑھیں:
سرکاری ملازمین کے سفری اور تفریقی الاؤنس میں اضافے کی منظوری، نئی شرحیں جاری
کراچی: سندھ حکومت نے سرکاری ملازمین کو مہنگائی کے اثرات سے ریلیف دینے کے لیے سفری الاؤنس اور تفریقی الاؤنس میں اضافے کی منظوری دے دی ہے۔ وزیراعلیٰ سندھ سید مراد علی شاہ کی زیر صدارت ہونے والے صوبائی کابینہ کے اجلاس میں اس فیصلے کی منظوری دی گئی، جبکہ نئی شرحوں کا اطلاق یکم جولائی 2026 سے ہوگا۔
صوبائی کابینہ نے سرکاری ملازمین کے لیے ریلیف پیکیج، صحت، تعلیم، بنیادی ڈھانچے، گورننس اور غذائی تحفظ سے متعلق متعدد اہم فیصلوں کی منظوری بھی دی۔
بی پی ایس 1 سے 16 تک ملازمین کے لیے تفریقی الاؤنس
کابینہ نے بی پی ایس 1 سے 16 تک کے ملازمین کے لیے تفریقی الاؤنس 2026 کی منظوری دی ہے۔ یہ الاؤنس منجمد بنیادی پے اسکیل 2022، جو 30 جون 2026 تک نافذ تھا، پر 2 فیصد کی شرح سے ادا کیا جائے گا۔
حکومت کے مطابق اس الاؤنس کا مقصد وہ فرق ختم کرنا ہے جو 2025 میں سندھ حکومت کی جانب سے وفاقی حکومت کے مقابلے میں زیادہ تنخواہوں میں اضافے کے باعث پیدا ہوا تھا۔
سفری الاؤنس میں 50 فیصد اضافہ
سندھ کابینہ نے تمام صوبائی سرکاری ملازمین کے سفری الاؤنس میں 50 فیصد اضافے کی بھی منظوری دی ہے۔ نئی شرحیں درج ذیل ہوں گی:
گریڈ پرانا الاؤنس نیا الاؤنس
بی پی ایس 1 تا 4 1,785 روپے 2,678 روپے
بی پی ایس 5 تا 10 1,932 روپے 2,898 روپے
بی پی ایس 11 تا 15 2,856 روپے 4,284 روپے
بی پی ایس 16 اور اس سے اوپر 5,000 روپے 7,500 روپے
معذور ملازمین کے لیے خصوصی سہولت
کابینہ نے معذور سرکاری ملازمین کے لیے خصوصی سفری الاؤنس میں بھی اضافہ کرتے ہوئے اسے 6 ہزار روپے سے بڑھا کر 10 ہزار روپے ماہانہ کرنے کی منظوری دی ہے۔ یہ رقم معمول کے سفری الاؤنس کے علاوہ ادا کی جائے گی۔
اطلاق کب سے ہوگا؟
حکومت سندھ کے مطابق سفری اور تفریقی الاؤنس سے متعلق تمام منظور شدہ فیصلوں پر یکم جولائی 2026 سے عمل درآمد ہوگا اور یہ موجودہ قواعد و ضوابط کے تحت نافذ رہیں گے۔
دوسری جانب صوبائی کابینہ نے ایگزیکٹو الاؤنس دینے کی تجویز منظور نہیں کی۔ وزیر اطلاعات نے اجلاس کے بعد میڈیا کو بریفنگ دیتے ہوئے بتایا کہ اس تجویز پر فی الحال اتفاق نہیں ہو سکا۔
سندھ حکومت کا کہنا ہے کہ ان اقدامات کا مقصد بڑھتی مہنگائی کے تناظر میں سرکاری ملازمین کو مالی ریلیف فراہم کرنا اور ان کے سفری اخراجات میں کمی لانا ہے، جبکہ آئندہ بھی ملازمین کی فلاح و بہبود کے لیے اقدامات جاری رکھے جائیں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا