حکومت فوری طور پر پارلیمنٹ کا محاصرہ ختم کرے، ایم ڈبلیو ایم گلگت بلتستان
اشاعت کی تاریخ: 15th, February 2026 GMT
ایم ڈبلیو ایم گلگت بلتستان کے جنرل سیکرٹری عارف قنبری اور صوبائی ترجمان الیاس صدیقی نے کہا ہے کہ حکومت کی جانب سے پارلیمنٹ کے شرمناک محاصرے کی شدید مذمت کرتے ہیں، منتخب پارلیمنٹیرینز کو عملاً محبوس رکھنا نہ صرف جمہوری روایات کی نفی ہے بلکہ آئین اور بنیادی انسانی حقوق کی سنگین خلاف ورزی ہے۔ اسلام ٹائمز۔ ایم ڈبلیو ایم گلگت بلتستان کے جنرل سیکرٹری عارف قنبری اور صوبائی ترجمان الیاس صدیقی نے کہا ہے کہ حکومت کی جانب سے پارلیمنٹ کے شرمناک محاصرے کی شدید مذمت کرتے ہیں، منتخب پارلیمنٹیرینز کو عملاً محبوس رکھنا نہ صرف جمہوری روایات کی نفی ہے بلکہ آئین اور بنیادی انسانی حقوق کی سنگین خلاف ورزی ہے۔ گلگت میں پریس کانفرنس کرتے ہوئے انہوں نے کہا کہ پارلیمنٹ عوامی مینڈیٹ کی علامت ہوتی ہے، اسے محاصرے اور دباؤ کے ذریعے غیر مؤثر بنانا دراصل عوام کی آواز کو بند کرنے کے مترادف ہے۔ مجلسِ وحدت مسلمین پاکستان اپنے مرکزی چیئرمین اور قائد حزبِ اختلاف ایوانِ بالا سینیٹر علامہ راجہ ناصر عباس جعفری کی بگڑتی ہوئی صحت پر گہری تشویش کا اظہار کرتی ہے اور اسے حکومتی بے حسی اور انتقامی طرزِ سیاست کا واضح ثبوت قرار دیتی ہے۔ ایک بزرگ، بیمار اور ذمہ دار قومی رہنما کو طبی سہولیات سے محروم رکھنا کسی بھی مہذب معاشرے میں قابلِ قبول نہیں ہو سکتا۔
ان کا کہنا تھا کہ حکومت نے پارلیمنٹ اور منتخب نمائندوں کے ساتھ جو رویہ اختیار کیا ہے اس نے بدترین آمریتوں کی یاد تازہ کر دی ہے۔ خواتین اراکین سمیت ارکانِ پارلیمنٹ کے ساتھ غیر انسانی سلوک، خوراک اور ادویات تک رسائی میں رکاوٹیں، اور کئی گھنٹوں تک عملی قید کی کیفیت یہ تمام اقدامات پارلیمنٹ کو ایک عقوبت خانے میں تبدیل کرنے کے مترادف ہیں۔ سینئر سیاستدان محمود خان اچکزئی اور دیگر بیمار اراکین، جو شوگر اور دیگر عوارض میں مبتلا ہیں، انہیں ادویات اور بنیادی سہولیات سے محروم رکھنا بنیادی انسانی حقوق کی سنگین پامالی ہے۔ کھانے اور پانی کی فراہمی میں رکاوٹ کسی سیاسی حکمتِ عملی کا حصہ نہیں بلکہ کھلی ریاستی سختی شمار ہوتی ہے جس کی کسی مہذب معاشرے میں گنجائش نہیں۔ علامہ راجہ ناصر عباس جعفری ایک جید عالمِ دین، استاد اور سینکڑوں علماء کے مربی ہیں۔ ایک بزرگ اپوزیشن لیڈر کے ساتھ ایسا رویہ قومی اقدار، پارلیمانی روایات اور انسانی احترام کے منافی ہے۔
انہوں نے مزید کہا کہ ہم سابق وزیرِ اعظم عمران خان کو بروقت ہسپتال منتقل نہ کرنے کو بھی سیاسی انتقام اور غیر انسانی طرزِ عمل کی بدترین مثال قرار دیتے ہیں۔سیاسی اختلاف کی بنیاد پر انسانی جان کو خطرے میں ڈالنا کسی بھی آئینی اور اخلاقی اصول کے مطابق جائز نہیں۔ مجلسِ وحدت مسلمین پاکستان حکومت کو متنبہ کرتی ہے کہ وہ فوری طور پر پارلیمنٹ کا محاصرہ ختم کرے، محبوس اراکین کو آزادانہ نقل و حرکت کی اجازت دے، بیمار افراد کو فوری طبی سہولیات فراہم کرے، دھرنا دینے والے پارلیمنٹرینز کے جائز آئینی مطالبات تسلیم کرے، بصورتِ دیگر ملک بھر میں پیدا ہونے والے شدید عوامی ردِعمل کی تمام تر ذمہ داری حکمرانوں پر عائد ہو گی۔ ہم واضح کرنا چاہتے ہیں کہ یہ معاملہ کسی ایک جماعت یا شخصیت کا نہیں بلکہ پارلیمانی وقار، آئین کی بالادستی اور بنیادی انسانی حقوق کے تحفظ کا ہے۔
ذریعہ
ذریعہ: Islam Times
کلیدی لفظ: بنیادی انسانی حقوق اور بنیادی
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ