غزہ بورڈ آف پیس کے پہلے اجلاس میں کیا ہونے جا رہا ہے؟ ٹرمپ کا اہم اعلان
اشاعت کی تاریخ: 15th, February 2026 GMT
امریکی صدر ڈونلڈ ٹرمپ نے اعلان کیا ہے کہ بورڈ آف پیس کے رکن ممالک جمعرات کو ہونے والے اجلاس میں غزہ کی تعمیر نو اور انسانی امداد کے لیے 5 ارب ڈالر سے زیادہ کے وعدے کریں گے۔
صدر ٹرمپ نے اپنے سوشل میڈیا پلیٹ فارم ٹروتھ سوشل پر لکھا کہ رکن ممالک اسٹیبلائزیشن فورس اور مقامی پولیس کے لیے ہزاروں اہلکار فراہم کرنے کا بھی عزم رکھتے ہیں۔
مزید پڑھیں: ’ایسے تو مسئلہ کشمیر بھی بورڈ آف پیس میں جا سکتا ہے‘، مودی سرکار پریشانی کا شکار
ان کے مطابق یہ اجلاس ڈونلڈ ٹرمپ انسٹی ٹیوٹ آف پیس میں منعقد ہونے والا بورڈ کا پہلا باضابطہ اجلاس ہوگا، جس میں 20 سے زیادہ ممالک کے وفود شرکت کریں گے۔
اس بورڈ کے قیام کی توثیق اقوامِ متحدہ کی سلامتی کونسل کی ایک قرارداد کے ذریعے کی گئی تھی۔
یہ اقدام ٹرمپ انتظامیہ کے اس منصوبے کا حصہ ہے جس کا مقصد غزہ میں اسرائیل اور فلسطینی مزاحمتی تنظیم حماس کے درمیان جاری تنازع ختم کرنا ہے۔
ادھر دفتر خارجہ کے ترجمان کے مطابق وزیراعظم پاکستان شہباز شریف بورڈ آف پیس کے اجلاس میں شریک ہوں گے جبکہ وزیر خارجہ اسحاق ڈار بھی وزیراعظم کے ہمراہ ہوں گے۔
اجلاس سے قبل فلسطینی مزاحمتی تنظیم حماس نے عالمی امن فورس کے حوالے سے اپنی شرائط واضح کی ہیں۔
حماس کے ترجمان نے کہاکہ عالمی فورس کو صرف سرحدی حدود تک محدود رہنا چاہیے اور فلسطین کے سول، سیاسی یا سیکیورٹی امور میں مداخلت نہیں کرنی چاہیے۔
مزید پڑھیں: 8 عرب اسلامک ممالک کا غزہ بورڈ آف پیس میں شمولیت کی امریکی دعوت کا خیرمقدم، مشترکہ اعلامیہ جاری
انہوں نے مزید کہاکہ اگر عالمی اہلکار داخلی امور میں دخل اندازی کریں تو فلسطینی انہیں قابض قوتوں کے متبادل کے طور پر دیکھیں گے۔
واضح رہے کہ 7 اکتوبر 2023 کو شروع ہونے والی اسرائیل فلسطین جنگ میں اب تک 80 ہزار سے زیادہ فلسطینی شہید ہو چکے ہیں، اور غزہ کا انفراسٹرکچر مکمل تباہ ہوگیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ڈونلڈ ٹرمپ غزہ بورڈ آف پیس وی نیوز.
ذریعہ
ذریعہ: WE News
کلیدی لفظ: امریکی صدر ڈونلڈ ٹرمپ غزہ بورڈ ا ف پیس وی نیوز بورڈ ا ف پیس
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا