آپ نے عمران خان کو آنکھ کی بیماری سے متعلق جھوٹ کیوں بولا؟ شیر افضل مروت محمود اچکزئی و دیگر پر برس پڑے
اشاعت کی تاریخ: 15th, February 2026 GMT
سینیئر سیاستدان شیر افضل مروت نے کہا ہے کہ عمران خان کی آنکھ خراب تھی تو پہلے پی ٹی آئی کے رہنماؤں نے خود کیوں کہاکہ ایسا کوئی مسئلہ نہیں۔
نجی ٹی وی سے گفتگو کرتے ہوئے انہوں نے سوال اٹھایا کہ محمود اچکزئی، راجا ناصر عباس، سہیل آفریدی اور سلمان اکرم راجا کی ویڈیو موجود ہے کہ جس میں انہوں نے کہاکہ عمران خان کی آنکھ ٹھیک ہے۔
شیر افضل مروت کا بڑا انکشاف
محمود اچکزئی راجہ ناصر عباس سہیل آفریدی سلمان اکرم راجہ کی ویڈیو موجود ہے کہ عمران کی آنکھ ٹھیک ہے انہوں نے کیوں جھوٹ بولا ہے ؟ یہ تو اُس کی آنکھ پر بیانیہ بنا رہے ہیں انہیں شرم آنی چائیے، pic.
— Niki Chiri♡ (@cutehunmee) February 14, 2026
انہوں نے کہاکہ اگر عمران خان کی آنکھ ٹھیک نہیں تھی تو پھر انہوں نے یہ جھوٹ کیوں بولا۔
شیر افضل مروت نے کہاکہ سمجھ نہیں آرہی کہ عمران خان کی صحت کے معاملے پر ایسی کوتاہیاں کیوں کی گئی ہیں۔
واضح رہے کہ بانی پی ٹی آئی عمران خان کی جیل میں بینائی کم ہوگئی ہے، جس کے بعد آج اڈیالہ جیل میں ان کا چیک اپ کیا گیا۔
دوسری جانب پی ٹی آئی کا کہنا ہے کہ عمران خان کو اسپتال منتقل کیا جائے، ہم سرکاری نگرانی میں ہونے والے علاج کو نہیں مانتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی شیر افضل مروت عمران خان وی نیوز
ذریعہ
ذریعہ: WE News
کلیدی لفظ: بانی پی ٹی ا ئی شیر افضل مروت وی نیوز شیر افضل مروت کہ عمران خان عمران خان کی پی ٹی ا ئی انہوں نے
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا