عمران خان کی جیل میں علاج، صحت کی ابتدائی رپورٹ ہوم ڈپارٹمنٹ پنجاب کو ارسال
اشاعت کی تاریخ: 15th, February 2026 GMT
فائل فوٹو
بانی پی ٹی آئی کے جیل میں جاری علاج سے متعلق ابتدائی میڈیکل رپورٹ ہوم ڈپارٹمنٹ پنجاب کو ارسال کر دی گئی۔
ذرائع کے مطابق رپورٹ میں بلڈ پریشر، شوگر لیول، کولیسٹرول اور دیگر وائٹل سائنز کا مکمل چارٹ شامل کیا گیا ہے، بانی پی ٹی آئی کی آنکھوں سے متعلق طبی معائنے کی رپورٹ بھی ہوم ڈپارٹمنٹ کو بھجوائی گئی ہے۔
جیل حکام کا کہنا ہے کہ کنسلٹنسی رپورٹس اور میڈیکل اسٹاف کی تفصیلات بھی رپورٹ کا حصہ ہیں، اس کے علاوہ یہ بھی درج ہے کہ بانی پی ٹی آئی کا کب اور کس ڈاکٹر نے طبی معائنہ کیا۔
ذرائع کا یہ بھی کہنا ہے کہ حکومت کی جانب سے تشکیل دیے گئے میڈیکل بورڈ کی بھی جیل آمد متوقع ہے۔
ذرائع کے مطابق آن ڈیوٹی ڈاکٹرز روزانہ 3 مرتبہ بانی پی ٹی آئی کا طبی معائنہ کرتے ہیں اور وائٹل سائنز چیک کرتے ہیں، جب کہ روزانہ کی بنیاد پر مکمل ریکارڈ باقاعدگی سے مرتب کیا جا رہا ہے۔
واضح رہے کہ ہوم ڈپارٹمنٹ پنجاب نے اڈیالا جیل حکام سے بانی پی ٹی آئی کی مفصل طبی رپورٹ طلب کی تھی، جس کے بعد یہ ابتدائی رپورٹ ارسال کی گئی ہے۔
.
ذریعہ
ذریعہ: Jang News
کلیدی لفظ: بانی پی ٹی آئی ہوم ڈپارٹمنٹ
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار