انیل امبانی کے جیفری ایپسٹین سے رابطوں کے انکشاف پر کانگریس نے سوالات اٹھا دیے
اشاعت کی تاریخ: 15th, February 2026 GMT
بھارت کے ارب پتی بزنس مین انیل امبانی اور جیفری ایپسٹین کے درمیان ہونے والی گفتگو کی مزید تفصیلات سامنے آگئی ہیں، جس پر بھارتی اپوزیشن جماعت کانگریس نے سوالات اٹھا دیے۔
مزید پڑھیں: ’ایک لمبی سویڈش سنہرے بالوں والی خاتون‘، انیل امبانی کی جیفری ایپسٹین سے فرمائش کا انکشاف
انیل امبانی اور جیفری ایپسٹین کے درمیان ہونے والی گفتگو سے ظاہر ہوتا ہے کہ دونوں نے کاروبار کی مالی معاونت سے لے کر دفاعی شعبے میں تجارتی امور تک مختلف موضوعات پر بات چیت کی۔ یہ تفصیلات امریکی محکمہ انصاف کی جاری کردہ فائلز میں شامل ہیں۔
میڈیا رپورٹس کے مطابق 20 اپریل 2019 کو انیل امبانی نے جیفری ایپسٹین کو میسج پر لکھا: ’آپ کارپوریٹ سطح پر مالی معاونت کیسے کر سکتے ہیں؟‘
جیفری ایپسٹین اور بھارتی صنعتکار کے درمیان کئی گفتگو سے ظاہر ہوتا ہے کہ دونوں نے مجرم کے پرتعیش گھر میں ڈنر کے دوران ملاقات کی اور کاروباری امور پر تبادلہ خیال کیا۔
ایک موقع پر جیفری ایپسٹین نے انیل امبانی کو خبردار کیاکہ ان کی شہرت کے حوالے سے خطرات موجود ہیں، لیکن پھر کہا: ’میرے گھر میں بہت سے مالی ماہرین موجود ہیں۔ آپ لطف اٹھائیں گے۔ اگر گوگل کا مسئلہ ہو تو کئی وزرا اس کو ختم کر دیں گے۔‘
دستاویزات کے مطابق جیفری ایپسٹین نے انیل امبانی کے ساتھ تعلقات استوار کرنے پر کافی وقت صرف کیا۔ ان کے پیغامات سے ظاہر ہوتا ہے کہ امریکی حکومت کی جانب سے ان پر مقدمہ چلائے جانے سے چند ماہ قبل دونوں کے درمیان قریبی رابطہ موجود تھا۔
ایک پیغام میں انیل امبانی نے لکھا: ’آپ کس کی تجویز کریں گے؟ جیفری ایپسٹین نے جواب دیا: ’ایک لمبی سویڈش سنہری بالوں والی خاتون، تاکہ ملاقات دلچسپ ہو جائے۔‘ امبانی جواب میں کہتے ہیں اس کا انتظام کریں۔
جیفری ایپسٹین کے ساتھ انیل امبانی کے رابطوں پر بھارتی اپوزیشن جماعت کانگریس نے سوال اٹھایا ہے کہ اگر انیل امبانی کا نام جیفری ایپسٹین فائلز میں نمایاں ہے تو وہ جیل میں کیوں نہیں۔
مزید پڑھیں: شیطان نہیں ہوں، پاکستان اور انڈیا میں پولیو مہم کو فنڈز دیے تھے، جیفری ایپسٹین کا انٹرویو میں دعویٰ
کانگریس کے رکن پارلیمنٹ راہول گاندھی نے وفاقی وزیر ہردیپ سنگھ پر بھی تنقید کی، تاہم وفاقی وزیر نے تمام الزامات کی تردید کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انیل امبانی جیفری ایپسٹین رابطے سوالات وی نیوز.
ذریعہ
ذریعہ: WE News
کلیدی لفظ: انیل امبانی جیفری ایپسٹین سوالات وی نیوز جیفری ایپسٹین انیل امبانی کے درمیان
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا