جنگ بندی کے باوجودغزہ پر اسرائیلی حملے، 12 فلسطینی شہید
اشاعت کی تاریخ: 15th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
غزہ: اسرائیل نے غزہ میں تازہ بمباری کے دوران 12 فلسطینیوں کو شہید کر دیا جبکہ دونوں فریقین نے ایک دوسرے پر جنگ بندی کے معاہدے کی خلاف ورزی کا الزام عائد کیا۔
غیر ملکی خبر ایجنسی کی رپورٹ کے مطابق غزہ کے محکمہ صحت کے عہدیداروں نے بتایا کہ اسرائیلی فضائی حملوں کا پہلا ہدف بے گھر فلسطینیوں کا ایک کیمپ تھا، جہاں 4 افراد شہید ہوئے۔ دوسرا حملہ جنوب میں واقع خان یونس میں کیا گیا، جس میں 5 افراد ہلاک ہوئے جبکہ شمالی غزہ میں ایک فلسطینی شہری بھی بمباری کے نتیجے میں شہید ہوا۔ حملوں میں متعدد افراد زخمی بھی ہوئے اور کئی مکانات تباہ یا نقصان پہنچا۔
حماس کے ترجمان حازم قاسم نے کہا کہ اسرائیل نے بے گھر فلسطینیوں کے قتل کا نیا سلسلہ شروع کر دیا ہے اور یہ امریکی صدر ڈونلڈ ٹرمپ کے قیام کردہ امن بورڈ کے پہلے اجلاس سے قبل جنگ بندی معاہدے کی سنگین خلاف ورزی ہے، حماس نے بین الاقوامی برادری سے مطالبہ کیا کہ اسرائیل کی کارروائیوں کو روکا جائے اور فلسطینی شہریوں کی حفاظت کو یقینی بنایا جائے۔
غزہ میں ان تازہ حملوں کے بعد علاقے میں امن کی صورتحال شدید کشیدہ ہو گئی ہے اور مقامی شہریوں میں خوف و ہراس پھیل گیا ہے۔ انسانی حقوق کی تنظیموں نے فوری جنگ بندی اور متاثرہ شہریوں کے لیے ہنگامی امداد کی فراہمی کا مطالبہ کیا ہے۔
غزہ کے اسپتالوں میں زخمیوں کا ہجوم بڑھ گیا ہے اور طبی عملہ زخمیوں کو بروقت علاج فراہم کرنے کے لیے دن رات کام کر رہا ہے۔ مقامی حکومت اور حماس نے شہریوں سے کہا ہے کہ وہ بمباری کے خطرات سے محفوظ رہنے کے لیے پناہ گاہوں میں رہیں اور احتیاطی تدابیر اختیار کریں۔
ذریعہ
ذریعہ: Jasarat News
پڑھیں:
کوہاٹ میں گاڑی پر فائرنگ سے کسٹم اہلکار شہید، ایک شخص زخمی
فائل فوٹوکوہاٹ میں پنڈی پل ٹول پلازا کے قریب گاڑی پر فائرنگ میں کسٹم اہلکار جاں بحق اور ایک شخص زخمی ہوگیا۔
پولیس کے مطابق شہید کسٹم اہلکار کی شناخت یاسر شاہ کے نام سے ہوئی ہے۔ شہید اہلکار کی لاش اور زخمی کو اسپتال منتقل کردیا گیا ہے۔
ڈی پی او کا کہنا ہے کہ دہشت گردوں کی گرفتاری کے لیے آپریشن جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا