محکمہ آبپاشی میں ترقیاتی کاموں کی مد میں لوٹ مار ، تحقیقات شروع
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد(اسٹاف رپورٹر)محکمہ آبپاشی میں ترقیاتی کاموں کی مد میں بڑے پیمانے پر رقم کی لوٹ مار کی خبروں کی اشاعت کے بعد تحقیقاتی اداروں اور حساس اداروں نے انکوائری شروع کردی ہے۔ اس سلسلے میں معلوم ہوا ہے کہ پھلیلی کینال ڈویژن کی ٹنڈوباگو سب ڈویژن میں اے ڈی پی پروگرام کے تحت کرائے گئے کروڑوں روپے کے ترقیاتی کام جوکہ کاغذوں تک محدود ہیں ان کاموں کے حوالے سے مختلف اداروں نے تحقیقات شروع کردی ہے، ان ترقیاتی کاموں کے بارے میں معلوم ہوا ہے کہ یا تو یہ ترقیاتی کام اپنے من پسند ٹھیکیداروں کو دیئے گئے یا خود افسران کی جعلی فرموں کے نام پر ان کاموں کے ورک آرڈ رجاری ہوئے۔ پروجیکٹ میں آرتھ ورک کاکام ہونا تھا جس کا مقصد پانی کو ٹیل تک پہنچانا ہے لیکن مذکورہ کاموں میں بدعنوانی کی وجہ سے اس پروجیکٹ کے تحت کام اس طرح نہیں کئے گئے جس طرح ہونے چاہئے تھے جس کے باعث کروڑوں روپے کی رقم ضائع ہوگئی ہے۔
ذریعہ
ذریعہ: Jasarat News
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا