پاکستان کو بھارت سے مسلسل شکستوں کا سامنا، کرکٹ سسٹم پر سوالات
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پاکستان کرکٹ ٹیم کو بھارت قومی کرکٹ ٹیم کے ہاتھوں چار ماہ میں چوتھی شکست کا سامنا کرنا پڑا ہے، جبکہ وائٹ بال فارمیٹ میں قومی ٹیم گزشتہ برسوں میں روایتی حریف کے خلاف بدترین کارکردگی دکھا رہی ہے۔
اعداد و شمار کے مطابق پاکستان نے 16 میں سے 13 میچ ہارے ہیں جس کے بعد شائقین کرکٹ میں شدید مایوسی پائی جا رہی ہے اور کرکٹ نظام کی کارکردگی پر سوالات اٹھنے لگے ہیں۔
ٹی ٹوئنٹی فارمیٹ میں بھارت نے پاکستان کے خلاف مسلسل آٹھویں کامیابی حاصل کی ہے، جبکہ آئی سی سی چیمپئنز ٹرافی کے فائنل 2017 کے بعد سے پاکستان کی فتوحات نہایت محدود رہی ہیں۔ پاکستان نے آخری بار 4 ستمبر 2022 کو دبئی میں ٹی ٹوئنٹی میچ میں بھارت کو شکست دی تھی، جس کے بعد دونوں ٹیموں کے درمیان ہونے والے تمام میچز میں بھارت کامیاب رہا ہے۔
کولمبو میں ہونے والے حالیہ میچ میں پاکستانی بولنگ کارکردگی نمایاں طور پر غیر متوازن رہی۔ سلمان علی آغا، عثمان طارق، محمد نواز اور صائم ایوب نے 14 اوورز میں 87 رنز دیے، جبکہ شاہین شاہ آفریدی، ابرار احمد اور شاداب خان نے صرف 6 اوورز میں 86 رنز دے کر میچ کا رخ بھارت کی جانب موڑ دیا۔ فہیم اشرف کو مسلسل تیسرے میچ میں بولنگ کا موقع نہ دینا بھی ایک اہم سوال بن گیا ہے۔
ٹی ٹوئنٹی ورلڈ کپ مقابلوں میں بھی بھارت کا پلڑا بھاری رہا ہے۔ دونوں ٹیموں کے درمیان کھیلے گئے 9 میچوں میں بھارت نے 8 میں کامیابی حاصل کی جبکہ پاکستان کو واحد فتح 2021 میں دبئی میں ملی تھی۔ اس کے بعد میلبرن اور نیویارک سمیت مختلف مقامات پر ہونے والے اہم میچز میں بھی پاکستان کو شکست کا سامنا کرنا پڑا، جس سے قومی ٹیم کی حکمت عملی اور نظام پر تنقید میں اضافہ ہوا ہے۔
.
ذریعہ
ذریعہ: Jasarat News
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا