ایف آئی اے نے وزٹ ویزے کی آڑ میں جنوبی کوریا جانے کی کوشش ناکام بنا دی
اشاعت کی تاریخ: 16th, February 2026 GMT
فیڈرل انوسٹیگیشن ایجنسی (ایف آئی اے) نے کراچی ایئرپورٹ پر کارروائی کرتے ہوئے واجد علی نامی مسافر کو جنوبی کوریا جانے کی کوشش کے دوران آف لوڈ کر دیا۔
مسافر واجد علی تھائی لینڈ کے وزٹ ویزے پر سفر کرنے والا تھا، لیکن تفصیلی پروفائلنگ کے دوران مشکوک قرار پایا۔ اس کی ٹکٹنگ پیٹرن، کیش ادائیگیاں اور ایجنٹس کے ساتھ رابطے سے منظم انسانی اسمگلنگ نیٹ ورک کا انکشاف ہوا۔
مزید پڑھیں: آپ کی پی ڈی ایف فائلز اب بولیں گی، ایڈوبی نے نیا اے آئی فیچر متعارف کرا دیا
نیٹ ورک میں شامل افراد میں بشیر، مشیر، وسیم اور ذاکر کے نام بھی سامنے آئے۔ قابل ذکر ہے کہ واجد علی کو گزشتہ روز بھی ناکافی فنڈز اور غیر تسلی بخش وجوہات کی بنا پر آف لوڈ کیا جا چکا تھا۔
دوسری کوشش میں مسافر کے موبائل فون سے ایجنٹس کے ساتھ چیٹس اور جنوبی کوریا روانگی کی تفصیلات برآمد ہوئیں۔ اس دوران جنوبی کوریا کا مشکوک ویزا بھی برآمد کیا گیا۔
ابتدائی تفتیش کے مطابق، مسافر نے 28 لاکھ روپے میں جنوبی کوریا جانے کا معاہدہ کیا تھا، جس میں 3 لاکھ روپے ایڈوانس ادا کیے گئے اور بقیہ رقم وہاں پہنچ کر ادا کرنی تھی۔
مزید پڑھیں: ایف آئی اے امیگریشن کا بڑا ایکشن، کراچی سے ملائیشیا جانے والے 23 مسافر آف لوڈ
مسافر کو آف لوڈ کرکے مزید قانونی کارروائی کے لیے اینٹی ہیومن ٹریفکنگ سرکل کراچی منتقل کر دیا گیا ہے۔
ایف آئی اے ترجمان نے شہریوں سے اپیل کی ہے کہ بیرون ملک سفر کے لیے ہمیشہ قانونی اور محفوظ ذرائع اختیار کریں تاکہ انسانی اسمگلنگ اور غیر قانونی سرگرمیوں سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف آئی اے جنوبی کوریا فیڈرل انوسٹیگیشن ایجنسی کراچی ایئرپورٹ.
ذریعہ
ذریعہ: WE News
کلیدی لفظ: ایف ا ئی اے جنوبی کوریا کراچی ایئرپورٹ جنوبی کوریا ایف آئی اے آف لوڈ
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا