بنگلہ دیش میں مذہبی جماعتوں کی پارلیمانی انتخابات میں بڑی کامیابی کی وجہ کیا ہے؟
اشاعت کی تاریخ: 16th, February 2026 GMT
بنگلہ دیش میں اسلامی جماعتوں نے 1991ء میں پارلیمانی جمہوریت کے بحال ہونے کے بعد اپنے اب تک کے مضبوط ترین انتخابی مظاہرہ کا اعزاز حاصل کیا ہے۔
الیکشن کمیشن کے اعداد و شمار کے مطابق، 13ویں قومی اسمبلی کے انتخابات میں کل 11 اسلامی جماعتوں نے حصہ لیا اور ملک بھر میں 607 امیدوار میدان میں اتارے۔ ان جماعتوں نے مجموعی طور پر 72 پارلیمانی نشستیں جیتیں جو 3 دہائیوں میں سب سے زیادہ شمار ہوتی ہیں۔
یہ بھی پڑھیے: بنگلہ دیش کے وزیراعظم کی حلف برداری، احسن اقبال پاکستان کی نمائندگی کریں گے
ان میں بنگلہ دیش جماعتِ اسلامی سب سے زیادہ اثر رکھنے والی جماعت کے طور پر سامنے آئی، جس نے 68 نشستیں جیتی۔ جماعت نے 224 حلقوں میں امیدوار کھڑے کیے تھے۔ اس کے انتخابی اتحادی بنگلہ دیش خلافت مجلس اور خلافت مجلس نے بالترتیب دو اور ایک نشست حاصل کی۔ پہلی بار، اسلامی اقدام بنگلہ دیش، جس کی قیادت چرمونی پیر کر رہے ہیں، نے پارلیمانی نشست حاصل کی۔
اس جماعت نے 258 حلقوں میں امیدوار کھڑے کیے، جو اسلامی جماعتوں میں سب سے زیادہ تھے۔ جبکہ جمعیت علماء اسلام بنگلہ دیش، جس نے بی این پی کے ساتھ اتحاد میں 5 نشستوں پر انتخاب لڑا، کوئی بھی نشست حاصل کرنے میں ناکام رہی۔
الیکشن کمیشن کے اعداد و شمار کے مطابق، اسلامی جماعتوں کی ووٹ شیئر میں بھی نمایاں اضافہ ہوا ہے۔ تاریخی طور پر، 1991ء کے بعد اسلامی جماعتوں نے کبھی بھی 15 فیصد ووٹ کا ہدف عبور نہیں کیا، لیکن حالیہ انتخابات میں ان کا مجموعی ووٹ شیئر 38 فیصد سے زائد رہا۔ بی این پی، جس نے زبردست فتح حاصل کی، 49.
یہ بھی پڑھیے: بنگلہ دیش کے عام انتخابات، ’جین زی‘ اور جماعت اسلامی
تاریخی موازنہ کیا جائے تو 1991ء کے بعد اسلامی جماعتیں کبھی بھی اس تعداد میں نشستیں حاصل نہیں کر پائیں۔ ان کی پچھلی بہترین کارکردگی 1991ء اور 2001ء میں 19 نشستیں جیتنے پر محدود رہی۔ 1996ء اور 2008ء میں اسلامی نمائندگی سب سے کم سطح پر پہنچ گئی۔ عوامی لیگ کی حکومت کے دوران صوفی مائل گروپس جیسے طریقت فیڈریشن نے محدود کامیابی حاصل کی، 2014ء میں دو اور 2018ء میں ایک نشست جیتی۔ 2024ء کے متنازعہ انتخابات میں کوئی اسلامی جماعت نشست حاصل نہیں کر سکی۔
سیاستدان اور تجزیہ کار زاہد الرحمن نے خبردار کیا ہے کہ اس نتیجے کو مستقل نظریاتی تبدیلی کے طور پر نہیں دیکھا جا سکتا۔ انہوں نے کہا کہ ‘بہت سی اسلامی جماعتوں نے اس بار اپنی روایتی مذہبی پالیسیوں پر زور نہیں دیا یا انہیں کم اہمیت دی، لہٰذا یہ کہنا درست نہیں کہ ووٹروں نے صرف اسلامی سیاست کی بنیاد پر انہیں ووٹ دیے’۔ انہوں نے مزید کہا کہ ‘عوامی لیگ کی غیر موجودگی، جس کی سرگرمیاں انتخابات سے پہلے معطل کی گئی تھیں، بھی اس نتیجے پر اثر انداز ہوئی’۔
یہ بھی پڑھیے: بنگلہ دیش کے نو منتخب وزیراعظم طارق رحمان منگل کو حلف اٹھائیں گے، مختصر کابینہ کا اعلان جلد
اس نتیجے نے بنگلہ دیش کی انتخابی سیاست میں ممکنہ وسیع پیمانے پر تبدیلی کے امکانات پر بحث چھڑوا دی ہے۔ مبصرین کا کہنا ہے کہ اسلامی جماعتیں اتحاد کی حکمت عملی اور ووٹر رویے میں تبدیلی سے فائدہ اٹھا رہی ہیں۔ بی این پی کی حکومت بننے کے بعد توجہ اب اس بات پر مرکوز ہے کہ اسلامی جماعتیں پارلیمان میں کس موقف اختیار کریں گی اور کیا ان کی بڑھتی ہوئی نمائندگی طویل المدتی سیاسی اثر و رسوخ میں بدل پائے گی یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Bangladesh jamat islami Religious Politics بنگلہ دیش جماعت اسلامی ڈھاکا مذہبی سیاست
ذریعہ
ذریعہ: WE News
کلیدی لفظ: بنگلہ دیش جماعت اسلامی ڈھاکا مذہبی سیاست اسلامی جماعتوں نے اسلامی جماعت انتخابات میں بنگلہ دیش حاصل کی کے بعد
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
وزارت آئی ٹی نے 1.67 ارب روپے سے زاید کے فنڈز طلب کرلیے