یوکرین کے سابق وزیرِ توانائی ملک سے فرار ہوتے ہوئے گرفتار
اشاعت کی تاریخ: 16th, February 2026 GMT
یوکرین کے انسدادِ بدعنوانی ادارے نے سابق وزیرِ توانائی کو ملک سے باہر جانے کی کوشش کے دوران حراست میں لے لیا۔
نیشنل اینٹی کرپشن بیور آف یوکرین (نیبو) کے مطابق سابق وزیرِ توانائی جرمن گالوشینکو کو اُس وقت گرفتار کیا گیا جب وہ سرحد عبور کرنے کی کوشش کر رہے تھے۔ وہ گزشتہ برس ایک بڑے کرپشن اسکینڈل کے بعد نومبر میں اپنے عہدے سے مستعفی ہو گئے تھے۔
نیبو نے بیان میں کہا کہ ’آج ریاستی سرحد عبور کرتے وقت نیبو کے تفتیش کاروں نے سابق وزیرِ توانائی کو ‘مڈاس کیس’ کے سلسلے میں حراست میں لیا ہے۔‘
ادارے نے اپنے بیان میں نام ظاہر نہیں کیا، تاہم گالوشینکو گزشتہ سال وزیرِ توانائی رہے اور نومبر میں مستعفی ہوئے تھے۔ بیان میں مزید کہا گیا کہ ابتدائی قانونی کارروائی جاری ہے اور مزید تفصیلات بعد میں جاری کی جائیں گی۔
’مڈاس کیس‘ کیا ہے؟یہ گرفتاری ایک مبینہ منی لانڈرنگ اسکیم سے متعلق ہے جس کا انکشاف 2025 میں ہوا تھا۔ اس اسکینڈل میں یوکرین کے توانائی شعبے میں تقریباً 100 ملین ڈالر کی بدعنوانی کا الزام ہے۔
سپیشلائزڈ اینٹی کرپشن پراسیکیوٹرز آفس (ساپو) کے مطابق یہ مبینہ اسکیم کاروباری شخصیت تیمور میندچ نے ترتیب دی تھی، جو صدر ولادیمیر زیلنسکی کے قریبی ساتھی سمجھے جاتے ہیں۔
ساپو کے تفتیش کاروں کا کہنا ہے کہ گالوشینکو نے توانائی کے شعبے میں غیر قانونی مالی لین دین کے انتظام میں مدد فراہم کی، جبکہ سرکاری کمپنی Energoatom کے ساتھ کام کرنے والے ٹھیکیداروں کو معاہدے برقرار رکھنے یا ادائیگی میں تاخیر سے بچنے کے لیے 10 سے 15 فیصد تک رشوت دینے پر مجبور کیا جاتا تھا۔
سیاسی اثرات اور استعفےاس اسکینڈل کے بعد یوکرین کے 2 سابق وزرائے توانائی مستعفی ہو چکے ہیں، جبکہ صدر زیلنسکی کے چیف آف اسٹاف کو بھی عہدہ چھوڑنا پڑا۔
تاہم دونوں وزراء اور سابق چیف آف اسٹاف نے کسی بھی بدعنوانی کی سختی سے تردید کی ہے۔
یہ بھی پڑھیے دنیا بھر میں یوکرین کی مدد کا جذبہ خاصا ٹھنڈا پڑ گیا، پولینڈ کے وزیراعظم کا اعتراف
حالیہ ہفتوں میں حکام نے متعدد قانون سازوں، سابق وزیرِ اعظم یولیا تیموشینکو اور ایک سابق صدارتی مشیر کے خلاف بھی مختلف الزامات کے تحت کارروائیاں کی ہیں۔
یورپی یونین میں شمولیت اور اصلاحاتبدعنوانی کے خلاف جنگ یوکرین کی اصلاحاتی حکمتِ عملی کا اہم حصہ ہے، خاص طور پر ایسے وقت میں جب ملک یورپی یونین کی رکنیت کا خواہاں ہے۔
یورپی یونین میں شمولیت کے لیے یوکرین کو دہائیوں پر محیط کرپشن کے مسئلے پر قابو پانا ضروری ہے، جس کے لیے شفافیت، احتساب اور قانونی اصلاحات کو بنیادی اہمیت دی جا رہی ہے۔
ماہرین کے مطابق سابق وزیر کی گرفتاری یوکرین کی جانب سے بدعنوانی کے خلاف سخت مؤقف کا اشارہ ہے، تاہم اس کے سیاسی اثرات آنے والے دنوں میں مزید واضح ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
یوکرین.
ذریعہ
ذریعہ: WE News
کلیدی لفظ: یوکرین یوکرین کے کے لیے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا