سانحہ گل پلازہ: جوڈیشل کمیشن نے سوال نامہ تیار کر لیا، لواحقین سے کیا سوال پوچھے گئے ہیں؟
اشاعت کی تاریخ: 16th, February 2026 GMT
کراچی کے گل پلازہ سانحہ پر بننے والے جوڈیشل کمیشن نے تحقیقات کا آغاز کردیا ہے، ڈپٹی کمشنر ساؤتھ کے آفس میں کمیشن کے سربراہ جسٹس آغا فیصل اور دیگر افسران کے ساتھ جاں بحق افراد کے لواحقین اکٹھے ہوئے جہاں لواحقین کی جانب سے واقعہ والے دن بگڑتی صورت حال کا احوال بتایا گیا۔
کمیشن کی جانب سے لواحقین کو ایک سوال نامہ دیا گیا ہے جس کا مقصد بنیادی معلومات اکٹھی کرکے اسے کمیشن کے رپورٹ کا حصہ بنانا ہے، کمیشن کی باضابطہ کارروائی کا آغاز کمیشن کے سربراہ نے گزشتہ ہفتے گل پلازہ کی عمارت کا دورہ کر کے کیا، کمیشن کی اگلی کاروائی سندھ ہائیکورٹ میں ہوگی۔
مزید پڑھیں: سانحہ گل پلازہ کیس کی سماعت میں اہم پیشرفت، گواہوں کے بیانات قلمبند
سوالنامہ 17 سوالوں پر مشتمل ہے، فارم بھرنے والے کو اپنا نام، شناختی کارڈ نمبر، موبائل نمبر، جاں بحق فرد کا نام اور اس سے تعلق بتانا پڑے گا۔
کمیشن نے سب سے پہلا سوال کیا ہے کہ کیا آپ کے پاس جاں بحق شہری کی شناختی دستاویز موجود ہیں، سوال نامہ بھرنے والے کو بتانا پڑے گا کہ واقعہ کے دن جاں بحق فرد سے موبائل نمبر پر رابطہ ہوا تھا، واقعہ کے بارے میں کب علم ہوا؟
کمیشن نے پوچھا ہے کہ واقعہ کے بعد کیا آپ نے جائے وقوعہ کا دورہ کیا تھا؟ اگر کیا تھا تو کس وقت آپ گل پلازہ پہنچے؟ فائر بریگیڈ کس وقت پہنچا؟ آپ کے اندازے کے مطابق آگ کو لگے کتنا وقت گزر چکا تھا؟ کیا ریسکیو حکام کے پاس سامان مکمل تھا؟ کیا ایمبولینس بھی موجود تھی؟ کیا پولیس نے مدد فراہم کی یا بدمزگی پیدا کی؟
مزید پوچھا گیا ہے کہ فائر بریگیڈ کب پہنچا اور اس کے پاس کیا پانی کافی تھا؟ آپ گل پلازہ کی عمارت سے کتنے فاصلے پر موجود تھے؟ پولیس اور ضلعی انتظامیہ کا لوگوں کو نکالنے میں کیا کردار رہا؟ گل پلازہ انتظامیہ کا کیا کردار رہا؟
’ریسکیو حکام کس وقت آئے اور کیا یہ اپنے سامان سے لیس تھے؟ آپ کو اپنے جاننے والے کے انتقال کی خبر کیسے پہنچی؟‘
مزید پڑھیں: ڈی آئی جی ٹریفک کراچی کا تبادلہ، کیا وجہ سانحہ گل پلازہ ہے؟
ان سوالات کی بنیاد پر اور ریسکیو آپریشن میں شامل تمام اداروں کی رپورٹ کے بعد جوڈیشل کمیشن اپنی انکوائری رپورٹ مرتب کرے گا اور یہ رپورٹ حکومت سندھ کو بھیجی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سانحہ گل پلازہ سوالات لواحقین وی نیوز.
ذریعہ
ذریعہ: WE News
کلیدی لفظ: سانحہ گل پلازہ سوالات لواحقین وی نیوز سانحہ گل پلازہ
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے