یہ نہیں ہوسکتا کہ جب دل چاہے کوئی جماعت شہر کی مرکزی شاہراہ پر دھرنا دے دے، شرجیل میمن
اشاعت کی تاریخ: 16th, February 2026 GMT
سندھ اسمبلی میں خطاب میں وزیر اطلاعات سندھ نے کہا کہ ہم چاہتے ہیں کہ بات چیت سے مسائل حل ہوں گے، جمہوریت میں احتجاج کا حق سب کو حاصل ہے، احتجاج کی آڑ میں عوام کو تکلیف دینے کا اختیار کسی کو نہیں، انہوں نے ایوان میں احتجاج کیا کسی نے نہیں روکا۔ اسلام ٹائمز۔ سندھ کے وزیر اطلاعات شرجیل میمن نے سابق رکن جماعت اسلامی عبدالرشید کے پولیس پر پتھراؤ کی ویڈیو چلادی اور کہا کہ یہ کونسا قانون ہے کہ آپ پولیس پر حملہ کرو اور کارروائی نہ ہو۔ سندھ اسمبلی میں خطاب میں شرجیل میمن نے کہا کہ جماعت اسلامی کے سابق رکن صوبائی اسمبلی عبدالرشید پولیس کو پتھر مارنے کا کہہ رہے ہیں، دنیا کا کونسا قانون آپ کو پولیس کو پتھر مارنے کا کہتا تھا۔ وزیر اطلاعات سندھ شرجیل میمن نے کہا ہے کہ پیپلز پارٹی آزاد اظہار رائے پر یقین رکھتی ہے، لیکن یہ نہیں ہوسکتا کہ جب دل چاہے کوئی جماعت شہر کی مرکزی شاہراہ پر دھرنا دے دے، جماعت اسلامی کے شارع فیصل پر جلسے کی وجہ سے لوگوں کو مشکلات ہوئیں، ہفتے کےروز جماعت کے کارکن ریڈ زون میں داخل ہوئے۔
انہوں نے کہا کہ پولیس پر پتھراؤ کیا تو پولیس کو مجبوراً شیلنگ کرنا پڑی، ہم چاہتے ہیں کہ بات چیت سے مسائل حل ہوں گے، جمہوریت میں احتجاج کا حق سب کو حاصل ہے۔ صوبائی وزیر نے مزید کہا کہ احتجاج کی آڑ میں عوام کو تکلیف دینے کا اختیار کسی کو نہیں، انہوں نے ایوان میں احتجاج کیا کسی نے نہیں روکا۔ اُن کا کہنا تھا کہ اگر سب کو روڈ بند کرنے کی اجازت دے دی تو عوام کہاں جائے گی، آپ نے شارع فیصل پر احتجاج کیا آپ نے اجازت نہیں لی۔ شرجیل میمن نے یہ بھی کہا کہ آپ کو جو احتجاج کرنا ہے کریں ہم آپ کو جگہ دے دیتے ہیں، اسمبلی کے باہر احتجاج کے دن بھی انتظامیہ ان سے رابطے میں تھی، انتظامیہ نے ان سے کہا ریڈ زون میں احتجاج نہ کریں۔
ذریعہ
ذریعہ: Islam Times
کلیدی لفظ: شرجیل میمن نے احتجاج کی کہا کہ نے کہا
پڑھیں:
نذیر احمد جنجوعہ قائم مقام سیکرٹری جنرل جماعت اسلامی پاکستان مقرر
ویب ڈیسک : امیر العظیم کے انتقال کے بعد امیر جماعت اسلامی حافظ نعیم الرحمان نے نذیر احمد جنجوعہ کو قائم مقام سیکرٹری جنرل جماعت اسلامی پاکستان مقرر کردیا۔
نذیر احمد جنجوعہ نے قائم مقام سیکرٹری جنرل جماعت اسلامی پاکستان کا حلف اٹھا لیا۔
اس سے قبل نذیر احمد جنجوعہ مرکزی ڈپٹی سیکرٹری جنرل تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار