لاہور، حاملہ خاتون سے مبینہ اجتماعی زیادتی، 2 ملزمان گرفتار
اشاعت کی تاریخ: 16th, February 2026 GMT
لاہور کے علاقے کاہنہ میں حاملہ خاتون سے مبینہ طور پر اجتماعی زیادتی کرنے والے والے 2 ملزمان کو گرفتار کرلیا گیا۔
چیئرپرسن پنجاب ویمن پروٹیکشن اتھارٹی حنا پرویز بٹ نے واقعے کا نوٹس لیتے ہوئے ڈی آئی جی آپریشنز لاہور سے رپورٹ طلب کرلی۔
چیئرپرسن پنجاب ویمن پروٹیکشن اتھارٹی حنا پرویز بٹ کا کہنا ہے کہ ملزمان کو جدید ٹیکنالوجی کی مدد سے جوہر ٹاؤن سے ٹریس کیا گیا۔
انہوں نے کہا کہ متاثرہ خاتون کو قانونی، طبی اور نفسیاتی معاونت فراہم کی جائے گی، کیس کی تفتیش میرٹ پر ہوگی اور ہر صورت انصاف یقینی بنایا جائے گا۔
حناپرویز بٹ نے مزیدکہا کہ خواتین سے زیادتی اور استحصال کسی صورت برداشت نہیں کیا جاسکتا، خواتین کے تحفظ پر کوئی سمجھوتا نہیں کیا جائے گا۔
.
ذریعہ
ذریعہ: Jang News
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا