افغانستان کے راشد خان نے ٹی 20 میں سب سے زیادہ وکٹیں لینے کا اعزاز حاصل کرلیا
اشاعت کی تاریخ: 16th, February 2026 GMT
افغانستان کے کپتان راشد خان نے پیر کے روز ٹی20 کرکٹ کی تاریخ رقم کرتے ہوئے 700 وکٹیں لینے والے پہلے بولر کا اعزاز حاصل کر لیا۔
یہ بھی پڑھیں: ’میں بلٹ پروف گاڑی کے بغیر باہر نہیں نکل سکتا‘، کرکٹر راشد خان کے کابل سے متعلق اہم انکشافات
یہ تاریخی کارنامہ افغانستان کے ٹی20 ورلڈ کپ میچ میں یو اے ای کے خلاف دہلی میں حاصل ہوا جب راشد خان نے یو اے ای کے محمد عرفان کو اننگز کے 16ویں اوور میں آؤٹ کیا۔ یہ ان کے اسپیل کا آخری اوور تھا۔
راشد خان میچ کے آغاز پر 699 وکٹیں لے چکے تھے اور یہ سنگ میل حاصل کرنے کے لیے انتظار کر رہے تھے۔ انہوں نے پچھلے ہفتے جنوبی افریقہ کے خلاف وکٹیں نمبر 698 اور 699 حاصل کی تھیں۔
راشد خان نے 20 گیندوں پر صرف 17 رنز دیے۔ محمد عرفان ریورس سوئپ کھیلنے کی ناکام کوشش میں ہٹ وکٹ ہوئے۔
اگرچہ رشید خان نے یہ سنگ میل حاصل کر لیا انہوں نے جشن معتدل رکھا کیونکہ افغانستان کو سپر 8 مرحلے میں پہنچنے کے لیے مزید جیت اور دیگر نتائج کی ضرورت ہے۔
مزید پڑھیے: افغان کرکٹ ٹیم کے کپتان راشد خان نے دوسری شادی کرلی، تصاویر وائرل
ٹی20 کرکٹ میں وکٹیں لینے کے لحاظ سے رشید خان دیگر بولرز سے بہت آگے ہیں۔ ریٹائرڈ ویسٹ انڈیز آل راؤنڈر ڈوائن براوو 631 وکٹوں کے ساتھ دوسرے نمبر پر ہیں جبکہ ویسٹ انڈیز کے ہی سنیل نارائن 613 وکٹوں کے ساتھ تیسرے نمبر پر ہیں۔
مزید پڑھیں: ’کلین بولڈ ہوکر ریویو لینے والے دنیا کے پہلے کھلاڑی‘، افغان کپتان راشد خان کا مذاق بن گیا
اگرچہ سنہ 2023 میں پیٹھ کے آپریشن کے بعد راشد خان کی فارم میں کمی آئی تھی لیکن انہوں نے حال ہی میں ویسٹ انڈیز کے خلاف سیریز میں 5 وکٹیں لے کر اپنی کلاس ثابت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان راشد خان راشد خان کی 700 وکٹیں راشد خان کی ٹی 20 میں 700 وکٹیں.
ذریعہ
ذریعہ: WE News
کلیدی لفظ: افغانستان راشد خان کی 700 وکٹیں راشد خان کی ٹی 20 میں 700 وکٹیں
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ