پنجاب، سندھ تو چل رہے ہیں مگر خیبر پختونخوا جام ہے، گورنر فیصل کریم کنڈی
اشاعت کی تاریخ: 16th, February 2026 GMT
گورنر خیبر پختونخوا فیصل کریم کنڈی نے کہا ہے کہ پنجاب اور سندھ تو چل رہے ہیں مگر خیبر پختونخوا جام ہے، صوبائی حکومت کو پرواہ نہیں۔
پشاور میں میڈیا سے گفتگو میں فیصل کریم کنڈی نے کہا کہ کے پی ہاؤس تو خود خیبر پختونخوا حکومت کا حصہ ہے، صبح نہا دھو کر اپنی پسند کے وقت دھرنا دینے بیٹھ جاتے ہیں، پھر واپس چلے جاتے ہیں۔
انہوں نے کہا کہ کے پی ہاؤس میں سارے انتظامات موجود ہیں، اسٹاف سمیت کچن بھی ہے، پارلیمنٹ ہاؤس گیا تھا وہاں تو سارا بزنس چل رہا ہے۔
فیصل کریم کنڈی نے مزید کہا کہ معلوم نہیں کیوں اپوزیشن کو کھانا نہیں مل رہا، وہاں تو چائے کھانا چل رہا ہے۔
ان کا کہنا تھا کہ یہاں دھرنا دیکر خیبر پختونخوا کو بند کردیا گیا ہے، پنجاب اور سندھ تو چل رہے ہیں مگر خیبر پختونخوا جام ہے، صوبائی حکومت کو پرواہ نہیں۔
گورنر خیبر پختونخوا نے یہ بھی کہا کہ وفاقی حکومت کی بھی ذمے داری بنتی ہے کہ راستے کھلوائے، وفاق آئی جی کو کیوں حکم نہیں دیتا، 15 لوگ روڈ بند کر دیتے ہیں۔
انہوں نے کہا کہ دھرنے والے تو ایک پولیس موبائل کی مار ہیں، افسوس کی بات ہے کہ مریض اور بزرگ مشکلات کا شکار ہیں۔
.
ذریعہ
ذریعہ: Nawaiwaqt
کلیدی لفظ: فیصل کریم کنڈی خیبر پختونخوا نے کہا کہا کہ
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے