سپر ماڈل روما مائیکل کی پاکستانیوں پر تنقید، سوشل میڈیا پر بحث
اشاعت کی تاریخ: 16th, February 2026 GMT
پاکستانی سپر ماڈل روما مائیکل نے ایک انٹرویو میں پاکستانیوں سے متعلق ایک اہم نکتہ اٹھایا ہے، جس پر سوشل میڈیا اور فیشن حلقوں میں بحث چھڑ گئی ہے۔
روما مائیکل فیشن انڈسٹری کا جانا پہچانا نام ہیں اور ملک کے بڑے ڈیزائنرز کے لیے ریمپ واک کرچکی ہیں۔ وہ بیوٹی پیجنٹس میں بھی باقاعدگی سے شریک ہوتی رہی ہیں اور مس گرینڈ انٹرنیشنل میں پاکستان کی نمائندگی بھی کر چکی ہیں۔
روما پہلی بار اس وقت منظرِ عام پر آئیں جب انہوں نے مس ویٹ پاکستان میں شرکت کی۔ بعد ازاں انہوں نے ماڈلنگ کی دنیا میں قدم رکھا اور دیکھتے ہی دیکھتے سیکڑوں فوٹو شوٹس اور بڑے برانڈز کی نمائندگی کا اعزاز حاصل کر لیا۔ ان کا کیریئر صرف پاکستان تک محدود نہیں رہا بلکہ وہ بین الاقوامی فیشن پروجیکٹس اور عالمی مقابلہ حسن کا بھی حصہ رہ چکی ہیں۔
حال ہی میں ایک فیشن شو کے موقع پر روما مائیکل نے پاکستانیوں کے حوالے سے کھل کر اظہارِ خیال کیا۔ انہوں نے واضح کیا کہ وہ اپنے ملک اور اپنے لوگوں سے محبت کرتی ہیں، تاہم ایک پہلو ایسا ہے جو انہیں مایوس کرتا ہے۔ ان کے مطابق ہمارے ہاں پیشہ ورانہ نظم و ضبط یعنی پروفیشنل ازم کی کمی نمایاں ہے۔
روما کا کہنا تھا کہ بیرونِ ملک کام کرنے کے دوران انہوں نے دیکھا کہ وہاں کے لوگ نہایت منظم اور سسٹیمیٹک انداز میں کام کرتے ہیں، جب کہ پاکستان میں اکثر یہ سنجیدگی اور ترتیب دکھائی نہیں دیتی۔ انہوں نے خواہش ظاہر کی کہ ملک میں بھی پیشہ ورانہ معیار کو بہتر بنایا جائے تاکہ فیشن اور دیگر شعبے عالمی سطح پر مزید مضبوط انداز میں ابھر سکیں۔
روما مائیکل کے اس بیان کے بعد مداحوں کی جانب سے مختلف آرا سامنے آ رہی ہیں، جہاں کچھ افراد ان کی بات سے اتفاق کر رہے ہیں تو کچھ اسے تنقید کے بجائے اصلاح کی دعوت قرار دے رہے ہیں۔
View this post on Instagram.
ذریعہ
ذریعہ: Express News
کلیدی لفظ: روما مائیکل انہوں نے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے