عمران خان کی رہائی کےلیے محسن نقوی کی کوششیں
اشاعت کی تاریخ: 16th, February 2026 GMT
اسلام آباد: سابق وزیراعلیٰ کے پی علی امین گنڈاپور نے انکشاف کیا ہے کہ محسن نقوی نے عمران خان کی رہائی کےلیے جتنی کوشش اور محنت کی، اتنی پی ٹی آئی نے بھی نہیں کی۔
انہوں نے نجی چینل کے پروگرام میں گفتگو کرتے ہوئے کہا کہ میں آن ایئر کہتا ہوں کہ محسن نقوی نے عمران خان کی رہائی کےلیے جتنی کوشش اور محنت کی ، اتنی کوشش پی ٹی آئی نے بھی نہیں کی۔
محسن نقوی چاہتے تھے کہ کسی طرح مسئلہ حل ہوجائے، کیا آپ اس پر یقین کریں گے؟ میں آج بھی یہ بات کہتا ہوں۔
علی امین نے کہا کہ اس نے ہم پر بہت زیادہ ظلم بھی کیا ہے، غصہ تھا، میرے ساتھ بہت کچھ کیا ہے۔ابھی میں اس پوزیشن پر نہیں ہوں، میرا محسن نقوی سے رابطہ بھی نہیں ہے۔
محسن نقوی واحد انسان ہے جو فیلڈ مارشل کے سامنے بات بھی کرلیتا ہے، میں نے کسی اور کو کبھی فیلڈ مارشل کے سامنے بات کرتے نہیں دیکھا۔
محسن نقوی فیلڈ مارشل کے سامنے عمران خان کےلیے بولا ہے، ورنہ میں نے اپنے سامنے عمران خان کےلیے بڑے بڑوں کو بولتے نہیں دیکھا۔
.
ذریعہ
ذریعہ: Al Qamar Online
کلیدی لفظ: پاکستان کھیل محسن نقوی
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ