لمز اور امریکن بزنس فورم کی جانب سے پاکستانی معیشت کی ترقی کا لائحہ عمل وضع کرنے کیلئے پالیسی مذاکرے کا اہتمام
اشاعت کی تاریخ: 17th, February 2026 GMT
لاہور یونیورسٹی آف مینجمنٹ سائنسز (لمز) اور امریکن بزنس فورم کی جانب سے پاکستان کی معیشت کی ترقی اور استحکام کے لیے ایک مضبوط لائحہ عمل وضع کرنے کے لیے اسلام آباد میں ایک اعلیٰ سطحی پالیسی مذاکرے کا اہتمام کیا گیا۔ مذاکرے میں وزیر مملکت برائے فنانس و ریلوے، بلال اظہر کیانی، آکسفرڈ یونیورسٹی کے پروفیسر و ممتاز ماہر معاشیات، ڈاکٹر اسٹیفن ڈرکن ، و دیگر ماہرین نے شرکت کی۔ صدر ، امریکن بزنس فورم، عثمان خالد وحید نے مہمانوں کو خوش آمدید کہا۔
ڈاکٹر اسٹیفن نے اپنی کلیدی خطاب میں پاکستانی معیشت کی بہترین کیلئے ساختیاتی اصلاحات کی ضرورت پر زور دیا۔ انہوں نے کہا کہ پاکستان کی معیشت کے ڈھانچے میں بنیادی اصلاحات کیے بغیر پائیدار ترقی کا خواب پورا نہیں ہو سکتا۔ ان کا کہنا تھا کہ پاکستان کو فوری طور ایک مضبوط اور قابلِ عمل پانچ سالہ اصلاحاتی ایجنڈا متعارف کرا کے اس پر سختی سے عمل درآمد کرنے کی ضرورت ہے ، انہوں نے کہا کہ پاکستان کو غیر ضروری ٹیکسوں کے خاتمے، اور پالیسی میں استحکام کے ذریعے سرمایہ کاری کی حوصلہ افزائی کرنی چاہیے۔ انہوں نے معاشی استحکام کیلئے درآمدات میں اضافے، اور تجارتی توازن کو فروغ دینے کی ضرورت پر بھی زور دیا۔
وزیر مملکت بلال اظہر کیانی نے کہا کہ حکومت پاکستان معیشت کے استحکام کیلئے ڈائیلاگ کی پالیسی پر یقین رکھتی ہے۔ انہوں نے کہا کہ ہم نے معاشی بہتری کیلئے موثر اقدامات کیے ہیں جن میں ٹیرف میں کمی بھی شامل ہے۔ انہوں نے کہا کہ حکومت پاکستان کا ’اڑان پاکستان‘ منصوبہ معاشی بہتری کیلئے ایک موثر لائحہ عمل متعین کرتا ہے، البتہ اس میں مزید بہتری کی گنجائش ہوسکتی ہے۔ ہم اس میں موثر اور قابلِ پیمائش اہداف مقرر کرکے ان کے حصول کیلئے باقاعدہ کوششیں کریں گے۔انہوں نے کہا کہ پاکستان میں نجکاری کا عمل تیزی سے جاری ہے، اور تمام شعبوں میں ڈیجیٹلائزیشن کو فروغ دیا جا رہا ہے، جس سے معاشی ترقی کی رفتار تیز ہوگی۔ فورم سے لمز کے پروفیسر ڈاکٹر علی حسنین اور ڈائریکٹر ایڈوانسمنٹ آفس، محمد علی ابراہیم نے بھی خطاب کیا۔
.
ذریعہ
ذریعہ: Al Qamar Online
کلیدی لفظ: پاکستان کھیل انہوں نے کہا کہ کہ پاکستان
پڑھیں:
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا
جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا WhatsAppFacebookX 0 23 July, 2026 سب نیوز
جد ہ (خالد نواز چیمہ )قونصل خانہ جنرل پاکستان، جدہ میں ڈپٹی قونصل جنرل کے عہدے پر اہم انتظامی تبدیلی عمل میں آ گئی ہے۔ وزارتِ خارجہ پاکستان کی جانب سے محترمہ فرینہ ارشد کو ڈپٹی قونصل جنرل، جدہ تعینات کیا گیا ہے، جنہوں نے اپنی ذمہ داریاں باقاعدہ طور پر سنبھال لی ہیں۔
محترمہ فرینہ ارشد ایک سینئر اور تجربہ کار کیریئر سفارت کار ہیں، جنہیں سفارتی خدمات کا پندرہ سال سے زائد کا وسیع تجربہ حاصل ہے۔ اپنے پیشہ ورانہ کیریئر کے دوران وہ مختلف اہم سفارتی اور انتظامی ذمہ داریوں پر خدمات انجام دے چکی ہیں اور اپنی صلاحیتوں کے باعث وزارتِ خارجہ کے ممتاز افسران میں شمار ہوتی ہیں۔
قونصل خانہ جنرل پاکستان، جدہ کی جانب سے محترمہ فرینہ ارشد کا خیرمقدم کرتے ہوئے ان کے لیے نیک تمناں کا اظہار کیا گیا ہے۔ قونصل خانے نے امید ظاہر کی ہے کہ وہ اپنی پیشہ ورانہ مہارت، تجربے اور قائدانہ صلاحیتوں کو بروئے کار لاتے ہوئے پاکستانی کمیونٹی کو فراہم کی جانے والی قونصلر خدمات کو مزید مثر، تیز رفتار اور عوام دوست بنانے کے ساتھ ساتھ پاکستان اور سعودی عرب کے درمیان دوطرفہ تعلقات کے فروغ میں بھی اہم کردار ادا کریں گی۔
دوسری جانب، سابق ڈپٹی قونصل جنرل محترمہ سعدیہ وقار النسا کو فوری طور پر پاکستان واپس رپورٹ کرنے کی ہدایت جاری کر دی گئی ہے۔ انہوں نے اپنے دورِ تعیناتی کے دوران پاکستانی کمیونٹی کی خدمت، قونصلر امور اور عوامی مسائل کے حل کے لیے قابلِ قدر خدمات انجام دیں، جنہیں کمیونٹی کی جانب سے سراہا گیا۔
واضح رہے کہ قونصل خانہ جنرل پاکستان، جدہ میں ڈپٹی قونصل جنرل کا منصب انتہائی اہمیت کا حامل ہے۔ اس عہدے پر تعینات افسر سعودی عرب کے مغربی ریجن میں مقیم لاکھوں پاکستانیوں کو قونصلر خدمات کی فراہمی، کمیونٹی ویلفیئر، عوامی رابطوں اور پاکستان و سعودی عرب کے برادرانہ تعلقات کے استحکام میں کلیدی کردار ادا کرتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ اگلی خبرامریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا