سمع وا طاعت تنظیم کو مضبوط اور مؤثر بناتی ہے‘رخشندہ منیب
اشاعت کی تاریخ: 17th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260217-08-11
کراچی (اسٹاف رپورٹر)حلقہ خواتین جماعت اسلامی صوبہ سندھ کے تحت اراکین شوریٰ کا اہم اجلاس منعقد ہوا، جس سے ناظمہ صوبہ سندھ رخشندہ منیب نے خصوصی خطاب کیا۔ اجلاس میں صوبہ بھر سے منتخب اراکین شوریٰ نے شرکت کی۔اپنے خطاب میں ناظمہ صوبہ سندھ نے سمع و طاعت کو تنظیمی استحکام کی بنیاد قرار دیتے ہوئے کہا کہ اراکین شوریٰ کی اولین ذمے داری ہے کہ وہ نظم جماعت کی پاسداری کریں، باہمی اعتماد کو فروغ دیں اور فیصلوں پر اخلاص کے ساتھ عمل درآمد کو یقینی بنائیں۔ انہوں نے کہا کہ سمع وا طاعت محض الفاظ نہیں بلکہ ایک عملی رویہ ہے جو تنظیم کو مضبوط اور مؤثر بناتا ہے۔انہوں نے بروقت اور مخلصانہ مشورے کی اہمیت پر روشنی ڈالتے ہوئے کہا کہ شوریٰ کا نظام اجتماعی دانش کا مظہر ہے۔ جب اراکین کھلے دل کے ساتھ حالات کا جائزہ لے کر بروقت اور تعمیری مشورہ دیتے ہیں تو فیصلوں میں پختگی اور حکمت پیدا ہوتی ہے۔ انہوں نے اس بات پر زور دیا کہ اختلافِ رائے کو حسن نیت اور خیرخواہی کے دائرے میں رکھا جائے تاکہ تنظیمی ماحول مثبت اور نتیجہ خیز رہے۔اجلاس کے دوران نومنتخب اراکین شوریٰ سے حلف بھی لیا گیا۔ ناظمہ صوبہ سندھ نے نومنتخب اراکین کو ذمے داریوں کا احساس دلاتے ہوئے کہا کہ یہ منصب اعزاز کے ساتھ ساتھ ایک امانت بھی ہے، جس کی ادائیگی تقویٰ، دیانت اور مسلسل جدوجہد کا تقاضا کرتی ہے۔
ذریعہ
ذریعہ: Jasarat News
کلیدی لفظ: اراکین شوری کہا کہ
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا