ایم ڈبلیو ایم اور تحریک انصاف میں پھوٹ ڈالنے کی سازشیں ہو رہی ہیں، راجہ زکریا
اشاعت کی تاریخ: 17th, February 2026 GMT
سابق صوبائی وزیر و تحریک انصاف جی بی کے رہنما کا کہنا تھا کہ ایم ڈبلیو ایم اور پی ٹی آئی لازم و ملزوم ہیں، انہیں دور کرنے کی سازش کرنے والے کامیاب کبھی نہیں ہونگے، ایسے لوگ جلد منطقی انجام کو پہنچیں گے۔ اسلام ٹائمز۔ پاکستان تحریک انصاف کے سینئر رہنما و سابق سینئر وزیر راجہ ذکریا خان مقپون نے کہا ہے کہ پاکستان تحریک انصاف اور مجلس وحدت المسلمین کے مابین دوریاں پیدا کرنے کی سازشیں ہو رہی ہیں، یہ سازشیں گزشتہ سال سے اب تک جاری ہیں مگر پی ٹی آئی اور ایم ڈبلیو ایم کے مابین پھوٹ ڈالنے کی کوششیں کامیاب نہیں ہوں گی۔ ایک انٹرویو میں ان کا کہنا تھا کہ مجلس وحدت المسلمین کے چیئرمین علامہ راجہ ناصر عباس جعفری اور قومی اسمبلی میں اپوزیشن لیڈر محمود خان اچکزئی عمران خان کے نمائندے ہیں۔ انہوں نے جب سے خان کی سیاست کی بھاگ دوڑ سنبھالی ہے بہترین سیاسی انقلاب برپا ہو رہا ہے۔ انہوں نے کہا کہ ایم ڈبلیو ایم اور پی ٹی آئی لازم و ملزوم ہیں، انہیں دور کرنے کی سازش کرنے والے کامیاب کبھی نہیں ہونگے، ایسے لوگ جلد منطقی انجام کو پہنچیں گے۔ دونوں جماعتوں کے مابین فاصلے بڑھانے کیلئے ایک مائنڈ سیٹ کام کر رہا ہے لیکن اس مائنڈ سیٹ کو منہ کی کھانی پڑے گی۔ انہوں نے کہا کہ سکردو حلقہ نمبر 1 سے ہر صورت میں الیکشن لڑوں گا۔ اس بارے میں اتحادی جماعت ایم ڈبلیو ایم کے اکابرین اور دیگر دوست احباب سے مشاورت جاری ہے۔ میں نے اپنی بساط کے مطابق اپنے حلقے میں کام کیا ہے۔ سڑکوں کا جال بچھایا ہے۔
.
ذریعہ
ذریعہ: Islam Times
کلیدی لفظ: ایم ڈبلیو ایم تحریک انصاف
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا