شادی کی تقریب میں واردات: دلہن کا زیورات اور نقدی سے بھرا بیگ غائب
اشاعت کی تاریخ: 17th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بھارت کے جے پور میں شادی کی ایک پررونق تقریب کے دوران ایسا واقعہ پیش آیا جس نے سب کو دنگ کر دیا۔ دلہن کا قیمتی بیگ تقریب کے دوران غائب ہو گیا، جس میں تقریباً 4 لاکھ روپے مالیت کے زیورات اور نقدی موجود تھی۔ یہ واردات جگت پورہ کے علاقے میں ہوئی، جہاں نوین کرول کی شادی کی تقریبات جاری تھیں۔
غیر ملکی خبر ایجنسی کے مطابق واقعہ رات تقریباً 10 بج کر 15 منٹ پر پیش آیا، جب دولہا اور دلہن اسٹیج پر فوٹو شوٹ میں مصروف تھے، اس دوران ایک خوش لباس شخص مہمانوں کے ہجوم میں شامل ہو گیا اور چند لمحوں میں دلہن کا بیگ اٹھا کر اپنے کوٹ میں چھپا کر موقع سے فرار ہو گیا۔
بین الاقوامی میڈیا رپورٹس کے مطابق سی سی ٹی وی فوٹیج میں دیکھا گیا کہ ملزم نہایت اطمینان کے ساتھ کارروائی انجام دے رہا تھا، دلچسپ امر یہ ہے کہ تقریب میں موجود اہلِ خانہ اور مہمان اس دوران لاعلم رہے۔
میڈیا رپورٹس کے مطابق جب فوٹو شوٹ ختم ہوا تو دلہن کو اپنے بیگ کی غیر موجودگی کا احساس ہوا، بیگ میں موجود قیمتی زیورات اور نقدی کی مالیت تقریباً 4 لاکھ روپے تھی۔ تقریب کے مقام پر تلاش کے باوجود کوئی چیز برآمد نہیں ہوئی۔
غیر ملکی میڈیا کے مطابق بیگ نہ ملنے پر اہلِ خانہ نے ایونٹ کی ویڈیو ریکارڈنگ کا جائزہ لیا۔ ویڈیو میں ملزم کی واضح تصاویر سامنے آئیں، جن کی بنیاد پر پولیس نے اسے شناخت کر لیا۔
عالمی میڈیا کے مطابق دولہا کے بھائی نے واقعے کی باقاعدہ شکایت درج کرائی اور پولیس حکام نے بتایا کہ ملزم کی گرفتاری کے لیے چھاپے مارے جا رہے ہیں۔ اس واردات نے شادی کی خوشیوں میں ایک سنسنی خیز موڑ پیدا کر دیا اور مہمانوں میں خوف و تشویش کی لہر دوڑا دی۔
یہ واقعہ نہ صرف قیمتی سامان کی حفاظت کی اہمیت کو اجاگر کرتا ہے بلکہ شادی جیسی خوشیوں کے موقع پر بھی احتیاطی اقدامات کی ضرورت کو ظاہر کرتا ہے، تاکہ مہمان اور دلہا دلہن دونوں محفوظ رہ سکیں۔
ذریعہ
ذریعہ: Jasarat News
پڑھیں:
مارکیٹوں اور دکانوں کے اوقات کار میں توسیع کی منظوری
فوٹو: فائلکفایت شعاری اقدامات کی نگرانی و عملدرآمد کمیٹی نے مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے