کراچی بڑی تباہی سے بچ گیا، سی ٹی ڈی اور دہشت گردوں میں مقابلہ، 4 دہشتگرد ہلاک، بارودی مواد برآمد
اشاعت کی تاریخ: 17th, February 2026 GMT
اسامہ ملک: کراچی کے علاقے شاہ لطیف ٹاؤن میں محکمہ انسدادِ دہشتگردی (سی ٹی ڈی) اور مبینہ دہشتگردوں کے درمیان فائرنگ کا تبادلہ ہوا، جس کے نتیجے میں سی ٹی ڈی حکام کے مطابق چار دہشتگرد اپنے ہی ساتھیوں کی فائرنگ سے ہلاک ہوگئے۔
ہلاک ہونے والوں میں جلیل عرف فرید، نیاز عرف کنگ اور حمدان شامل ہیں۔ کارروائی کے دوران سی ٹی ڈی کے دو اہلکار بھی زخمی ہوئے جبکہ چند ملزمان فرار ہوگئے جن کی گرفتاری کے لیے علاقے میں ناکہ بندی کردی گئی ہے۔سی ٹی ڈی کے مطابق سرچ آپریشن کے دوران ایک گھر سے بارودی مواد، پانچ ہینڈ گرنیڈ، ایک ایس ایم جی، کلاشنکوف، ڈیٹونیٹرز، ڈیٹونیٹنگ وائر اور سرکٹ برآمد کیے گئے۔ بم ڈسپوزل اسکواڈ نے برآمد ہونے والے مواد کو ناکارہ بنا دیا۔
گاڑیوں کی نمبر پلیٹس ڈجٹ نمبر میں اضافہ،3کی بجائے4 ہندسے ہونگے
ڈی آئی جی سی ٹی ڈی اظفر مہیسر نے میڈیا کو بتایا کہ گزشتہ ماہ بارودی مواد کے ساتھ گرفتار دہشتگردوں سے تفتیش کے دوران ملنے والی معلومات پر شاہ لطیف میں چھاپہ مارا گیا۔ چھاپے کے دوران گھر میں موجود ملزمان نے فائرنگ کی، جس کے نتیجے میں ایک دہشتگرد موقع پر مارا گیا جبکہ زخمی تین ملزمان ہسپتال پہنچنے سے قبل دم توڑ گئے۔
دوسری جانب تھانہ سچل کی حدود میں وکیل سوسائٹی کے قریب پولیس اور چار رکنی ڈکیت گینگ کے درمیان مبینہ مقابلہ ہوا۔ پولیس حکام کے مطابق مسلح موٹر سائیکل سوار ملزمان کام پر جانے والے شہریوں سے لوٹ مار کرکے فرار ہو رہے تھے کہ گشت پر مامور پولیس بروقت موقع پر پہنچ گئی۔ ملزمان نے پولیس پارٹی کو دیکھتے ہی فائرنگ شروع کردی، جس پر پولیس نے جوابی کارروائی کی۔
لاہور میں 260 ٹریفک حادثات؛ ایک شخص جاں بحق ،300 افراد زخمی
پولیس کے مطابق مقابلے کے نتیجے میں دو زخمی سمیت چاروں ملزمان کو گرفتار کرلیا گیا۔ ملزمان کے قبضے سے چار پستول بمعہ ایمونیشن اور چھینے گئے موبائل فونز برآمد ہوئے جبکہ واردات میں استعمال ہونے والی دونوں موٹر سائیکلیں بھی تحویل میں لے لی گئیں۔ زخمی ملزمان کو فوری طبی امداد کے لیے ہسپتال منتقل کردیا گیا ہے۔ پولیس کا کہنا ہے کہ ضابطے کی کارروائی جاری ہے اور ملزمان کی شناخت کا عمل مکمل کیا جا رہا ہے۔
3لاکھ 28ہزار خاندانوں کے لئے رمضان پیکج کا اعلان
.
ذریعہ
ذریعہ: City 42
کلیدی لفظ: کے مطابق کے دوران سی ٹی ڈی
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا